ନୂଆଦିଲ୍ଲୀ: କୋରୋନା ସ୍ଥିତିକୁ ଦୃଷ୍ଟିରେ ରଖି ଅନ୍ତର୍ଜାତୀୟ ଯାତ୍ରୀ ବିମାନ ସେବା ନିଲମ୍ବନ ଅବଧିକୁ ବଢାଯାଇଛି । ସେପ୍ଟେମ୍ବର 30 ଯାଏଁ ନିର୍ଦ୍ଧାରିତ ଅନ୍ତର୍ଜାତୀୟ ଯାତ୍ରୀ ବିମାନ ଉଡାଣ ବନ୍ଦ ରହିବ । ସୋମବାର ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ (ଡିଜିସିଏ) ଏ ନେଇ ସୂଚନା ଦେଇଛି ।
ତେବେ କେସ୍-ଟୁ-କେସ ଆଧାରରେ ଦକ୍ଷ କର୍ତ୍ତୃପକ୍ଷଙ୍କ ଦ୍ୱାରା ମନୋନୀତ ରୁଟରେ ନିର୍ଦ୍ଧାରିତ ଆନ୍ତର୍ଜାତିକ ବିମାନକୁ ଅନୁମତି ଦିଆଯାଇପାରେ। ଏ ନେଇ ଡିଜିସିଏର ସର୍କୁଲାରରେ ଦର୍ଶାଇଛି ।
କୋରୋନା ମହାମାରୀ ଯୋଗୁଁ ମାର୍ଚ୍ଚ 23ରୁ ଅନ୍ତର୍ଜାତୀୟ ବିମାନ ସେବା ଉପରେ ସରକାର କଟକଣା ଲଗାଇଛନ୍ତି ।
ତେବେ ଏହି ସମୟ ମଧ୍ୟରେ ବନ୍ଦେ ଭାରତ ମିଶନ ଅଧୀନରେ ଏବଂ ଜୁଲାଇ ମାସରୁ ଅନ୍ୟ ଦେଶମାନଙ୍କ ସହିତ ଦ୍ୱିପାକ୍ଷିକ ଏୟାର ବବଲ ବ୍ୟବସ୍ଥା ମାଧ୍ୟମରେ ସ୍ୱତନ୍ତ୍ର ଅନ୍ତର୍ଜାତୀୟ ବିମାନ ଚଳାଚଳ ଚାଲିଛି ।
ଏଥିସହ ସର୍କୁଲାରରେ କୁହାଯାଇଛି କି, ସମସ୍ତ ଅନ୍ତର୍ଜାତୀୟ କାର୍ଗୋ ଅପରେସରେ ଏହି କଟକଣା ଲାଗୁ ହେବ ନାହିଁ । ଏଥିସହ ଡିଜିସିଏ ଦ୍ବାରା ଅନୁମୋଦିତ ସ୍ବତନ୍ତ୍ର ବିମାନ ପାଇଁ ମଧ୍ୟ ଏହି ପ୍ରତିବନ୍ଧକ ଲାଗୁ ନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
