ନୂଆଦିଲ୍ଲୀ: ସ୍ପାଇସଜେଟ୍ ଏୟାରଲାଇନର ମନସୁନ ସେଲ ଅଫର । ଅତି ସୁଲଭ ମୂଲ୍ୟରେ ଆପଣ ଉଠାଇ ପାରିବେ ବିମାନ ଯାତ୍ରାର ମଜା । ସ୍ପାଇସଜେଟ୍ ମାତ୍ର 999 ଟଙ୍କାରେ ଯାତ୍ରୀଙ୍କୁ ବିମାନ ଯାତ୍ରାର ସୁବିଧା ଯୋଗାଇବ । ଏହି ଅଫର କେବଳ ଘରୋଇ ଏୟାରଲାଇନରେ ମିଳିବ । ଗୁରୁବାର ଏୟାରଲାଇନ ଭିସ୍ତାରା ମଧ୍ୟ ଘରୋଇ ରୁଟରେ 48 ଘଣ୍ଟିଆ ମନସୁଲ ସେଲ ଅଫର ଘୋଷଣା କରିଥିଲା । ଯେଉଁଥିରେ ମାତ୍ର 1099 ଟଙ୍କାରେ ବିମାନ ଯାତ୍ରା କରିପାରିବେ ଯାତ୍ରୀ ।
ସ୍ପାଇସଜେଟ୍ କହିଛି ଯେ ଯାତ୍ରୀମାନେ ମନସୁନ ସେଲରେ ମାଗଣା ଫ୍ଲାଇଟ୍ ଭାଉଚର ୱିକେଣ୍ଡ ଗେଟୱେ ଏବଂ ରୋମାଞ୍ଚକର ଛୁଟି ଉପଭୋଗ କରିପାରିବେ । ଚଳିତ ବର୍ଷ ଅଗଷ୍ଟ ମାସରୁ 2022 ମାର୍ଚ୍ଚ 31 ତାରିଖ ଯାଏଁ ଏହି ଅଫର ସମୟସୀମା ରହିଛି । ଆଜି(ଶୁକ୍ରବାର) ଠାରୁ ଏଥିପାଇଁ ବୁକିଂ ଆରମ୍ଭ ହୋଇଛି ଏବଂ ଏହା ଆସନ୍ତା 30 ତାରିଖ ପର୍ଯ୍ୟନ୍ତ ଚାଲିବ ।
ତେବେ ଏହି ଅଫର କେବଳ କେତେକ ଚୟାନତ୍ମକ ରୁଟ ପାଇଁ ପ୍ରଯୁଜ୍ୟ । ଏହି ରୁଟଗୁଡିକ ହେଲା ହାଇଦ୍ରାବାଦ-ବେଲଗ୍ରାମ, ବେଲଗ୍ରାମ-ହାଇଦ୍ରାବାଦ, ଚେନ୍ନାଇ-ହାଇଦ୍ରାବାଦ, ଚେନ୍ନାଇ-ବେଙ୍ଗାଲୁରୁ । ଏହି ଏୟାରଲାଇନ ଟିକେଟ ବୁକିଂ ପାଇଁ ଫ୍ରି ଫ୍ଲାଇଟ ଭାଉଚର ମଧ୍ୟ ଦେଉଛି । ଯାହା PNR ପିଛା 1 ହଜାର ଟଙ୍କା ପର୍ଯ୍ୟନ୍ତ ବେସ୍ ଭଡା ସହ ସମାନ । ଫ୍ରି ଫ୍ଲାଇଟ ଭାଉଚରର ବୈଧତା ଜୁଲାଇ ପହିଲା ପର୍ଯ୍ୟନ୍ତ ରହିଛି । ଏଥିସହ ଗ୍ରାହକ ମାତ୍ର 149 ଟଙ୍କାରେ ମଧ୍ୟ ଆଡ ଅନ୍ ଭଳି ନିଜ ପସନ୍ଦର ସିଟ୍ ଏବଂ ପ୍ରାଥମକିତା ସେବା ପାଇପାରିବେ ।
@IANS
