ମୁମ୍ବାଇ: ଲଗାତାର ରେକର୍ଡ ପରେ ରେକର୍ଡ ଭାଙ୍ଗୁଛି ପୁଞ୍ଜି ବଜାର । ଉପରମୁହାଁ ସେୟାର ସୂଚକାଙ୍କ ସହ ସର୍ବୋଚ୍ଚ ସ୍ତରରେ ସେନସେକ୍ସ ଓ ନିଫ୍ଟି । ଏହି କ୍ରମରେ ଘରୋଇ ଇକ୍ୟୁଟି ବଜାର ବୁଧବାର ଆଉ ଏକ ମାଇଲଖୁଣ୍ଟ ସ୍ପର୍ଶ କରିଛି ।
ସକରାତ୍ମକ ବୈଶ୍ବିକ ସଙ୍କେତ ମଧ୍ୟରେ ଆଜି ଘରୋଇ ବଜାର ପ୍ରଥମ ଥର 46 ହଜାର ମାର୍କ ଅତିକ୍ରମ କରିପାରିଛି । ବମ୍ବେ ଷ୍ଟକ ଏକ୍ସଚେଞ୍ଜର 30 ସେୟାର ଆଧାରିତ ସେୟାର ସୂଚକାଙ୍କ ସେନସେକ୍ସ 495 ପଏଣ୍ଟ ଉଛୁଳି 46,103.50 ପଏଣ୍ଟରେ ବନ୍ଦ ହୋଇଛି । ଆଜିକୁ ମିଶାଇ ଲଗାତାର 5 କାରବାର ଦିବସରେ ସେନସେକ୍ସ ପ୍ରଫିଟର ସହ କାରବାର ଶେଷ କରିଛି ।
ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି ପ୍ରଥମ ଥର13,500 ସ୍ତର ଟପିଛି । ଆଜି 136 ପଏଣ୍ଟ ବଢି ନିଫ୍ଟି 13,529ରେ ପହଞ୍ଚିଛି । ଆଜିକୁ ମିଶାଇ ଲଗାତାର 7 ଦିନ ଧରି ନିଫ୍ଟି ବଢିଚାଲିଛି ।
ସେନସେକ୍ସର ଟପ ସେୟାର ମଧ୍ୟରେ ଏଚଡିଏଫସି ବ୍ୟାଙ୍କ, ରିଲାଏନ୍ସ ଇଣ୍ଡଷ୍ଟ୍କିଜ , ଇମ୍ଫୋସିସ ଏବଂ ଏସିଆନ ପେଣ୍ଟସ ରହିଛି ।
