ନୂଆଦିଲ୍ଲୀ: ଏବେ ଭାରତରେ ବିଟକଏନରେ ବି ହୋଇପାରିବ ନେଣଦେଣ । ବୁଧବାର ସୁପ୍ରିକୋର୍ଟ ଭର୍ଚୁଆଲ କରେନ୍ସି(କ୍ରିପ୍ଟୋକରେନ୍ସି)ରେ ବେପାର ପାଇଁ ଅନୁମତି ଦେଇଛନ୍ତି । ଏଥିସହ ଏହା ଉପରେ ଲାଗିଥିବା ପ୍ରତିବନ୍ଧକକୁ ହଟାଇ ଦେଇଛନ୍ତି ସୁପ୍ରିମକୋର୍ଟ । ଫଳରେ ଏବେ ସମସ୍ତ ବ୍ୟାଙ୍କରେ ଏହାର ପ୍ରଚଳନ ହୋଇପାରିବ ।
ପ୍ରକାଶ ଯେ, 2018ରେ ଆରବିଆଇ ଏକ ସର୍କୁଲାର ଜାରି କରି ବ୍ୟାଙ୍କକୁ କ୍ରିପ୍ଟୋକରେନ୍ସିରେ କାରବାର ପାଇଁ ମନା କରିଥିଲା । ହେଲେ ଏବେ ସୁପ୍ରିମକୋର୍ଟଙ୍କ ଏହି ପ୍ରତିବନ୍ଧକକୁ ହଟାଇବା ପରେ ଭାରତୀୟମାନେ ମଧ୍ୟ ବିଟକଏନ ଭଳି କ୍ରିପୋକରେନ୍ସିକୁ କିଣିବା ସହ ବିକ୍ରି କରିପାରିବେ ।
କଣ ଏହି ବିଟକଏନ
ଏହା ଏକ ଡିଜିଟାଲ କରେନ୍ସି ( ଅନଲାଇନ ୱାଲେଟ)। ବିଶ୍ବର ସବୁଠୁ ମୁଲ୍ୟବାନ କ୍ରିପ୍ଟୋ କରେନ୍ସି । ଏହା ବ୍ଲକ ଚେନ ଟେକନିକ ଉପରେ ଆଧାରିତ । ଅନଲାଇନରେ ଦ୍ରବ୍ୟ କ୍ରୟ ପାଇଁ ଏହାକୁ ବ୍ୟବହାର କରାଯାଏ । ବିଟ କଏନ ଦ୍ବାରା ବିଶ୍ୱର ଯେକୌଣସି ସ୍ଥାନରୁ ସିଧାସଳଖ କିଣାବିକା କରାଯାଇ ପାରେ । ଏହା ଏକ ଭର୍ଚ୍ଚୁଆଲ ମୁଦ୍ରା ହୋଇଥିବାରୁ ବିଶ୍ବର କୌଣସି ସରକାରଙ୍କ ଏହା ଉପରେ ନିୟନ୍ତ୍ରଣ ନାହିଁ । ଏପରିକି କେନ୍ଦ୍ର ବ୍ୟାଙ୍କରୁ ମଧ୍ୟ ଏହା ସ୍ବତନ୍ତ୍ର । ଯାହାକି ଏହାର ସବୁଠୁ ବଡ ଅସୁବିଧା । ଏକ ବିଟକଏନ 6,46,362.43 ଭାରତୀୟ ମୁଦ୍ରା ସହ ସମାନ ।
