ନୂଆଦିଲ୍ଲୀ: ଲକଡାଉନ ଅବଧି ବଢିବା ସହ ଇଏଏମଆଇ ଟେନସନରୁ ମିଳିଛି ମୁକ୍ତି । ଏବେ ଆହୁରୀ 3 ମାସ ଅର୍ଥାତ ଅଗଷ୍ଟ 31 ଯାଏଁ ଦେବାକୁ ପଡିବ ନାହିଁ ଇଏମଆଇ । ଶୁକ୍ରବାର ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ସାମ୍ବାଦିକ ସମ୍ମିଳନୀରେ ଏ ନେଇ ଘୋଷଣା କରିଛନ୍ତି।
ଏହା ପୂର୍ବରୁ ଅର୍ଥାତ ମାର୍ଚ୍ଚ 27 ରେ ଭାରତୀୟ ରିଜର୍ଭ ବ୍ୟାଙ୍କ 3 ମାସ ପର୍ଯ୍ୟନ୍ତ ଇଏମଆଇ ନ ଦେବାକୁ ଘୋଷଣା କରିଥିଲା । ଏହାର ଅବଧି ମେ 31ରେ ଶେଷ ହେଉଛି । ଏହା ଜରିଆରେ ଟର୍ମ ଲୋନରେ 3 ମାସ ଋଣ କିସ୍ତି ସ୍ଥଗିତ କରିବାକୁ ବ୍ୟାଙ୍କଗୁଡିକୁ ନିର୍ଦ୍ଦେଶ ଦିଆଯାଇଥିଲା ।
ତେବେ ଯେହେତୁ ସରକାର ଲକଡାଉନ ବଢାଇଛନ୍ତି ଏଣୁ କିସ୍ତି ସ୍ଥଗିତ ଅବଧି ମଧ୍ୟ 3 ମାସ ବଢିବା ନେଇ ଚର୍ଚ୍ଚା ହୋଇଥିଲା ।
