ନୂଆଦିଲ୍ଲୀ: ଫୋନ ପେ ୟୁଜର୍ସ ସଂଖ୍ୟା 25 କୋଟି ପାର କରିଛି । ପାର୍ବଣ ସାଙ୍ଗକୁ କୋଭିଡ ସଙ୍କଟ ମଧ୍ୟରେ ଅନଲାଇନ ନେଣଦେଣ ଚାହିଦା ବଢିଥିବାରୁ ଫୋନ ପେ ଚାହିଦା ବୃଦ୍ଧି ହୋଇଛି । ଫ୍ଲିପକାର୍ଟର ମାଲିକାନାରେ ଥିବା ଆର୍ଥିକ ପ୍ରଯୁକ୍ତିବିଦ୍ୟା (ଫିନଟେକ) କମ୍ପାନୀ ଫୋନ ପେ ସୋମବାର ଏ ନେଇ ସୂଚନା ଦେଇଛି ।
କମ୍ପାନୀ ଏକ ବିବୃତ୍ତିରେ କହିଛି ଯେ, ଅକ୍ଟୋବରରେ ଏହାର ସକ୍ରିୟ ୟୁଜର୍ସଙ୍କ ସଂଖ୍ୟା 10 କୋଟିରୁ ଅଧିକ ରହିଛି । ଏହି ସମୟରେ 1.3 ଅରବ ଆପ ସିଜନ ରେକର୍ଡ କରାଯାଇଛି ।
କମ୍ପାନୀ କହିଛି ଯେ, ‘‘ ଫୋନ ପେ ପାଇଁ ଅକ୍ଟୋବର ଏକ ରେକର୍ଡ ମାସ ରହିଛି । ଏହି ମାସରେ 92.5 କୋଟି ନେଣଦେଣ ହୋଇଛି । ଯାହାକି ଏବେ ସୁଦ୍ଧା ହୋଇଥିବା ଟ୍ରାଞ୍ଜାକ୍ସନ ମାର୍କର ସର୍ବୋଚ୍ଚ ସ୍ତର । କମ୍ପାନୀର ବାର୍ଷିକ ମୋଟ ନେଣଦେଣ ହାର ମଧ୍ୟ 277 ଅରବ ଡଲାର ହୋଇଯାଇଛି । ଫୋନପେ ଜରିଆରେ 83.5 କୋଟି ୟୁପିଆଇ ନେଣଦେଣ ମଧ୍ୟ ହୋଇଛି । ଏଥିରେ କମ୍ପାନୀର ବଜାର ଅଂଶଧନ 40 ପ୍ରତିଶତରୁ ଅଧିକ ରହିଛି । ’’
ଫୋନ ପେ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ତଥ୍ୟା ସଂସ୍ଥାପକ ସମୀର ନିଗମ କହିଛନ୍ତି ଯେ, କମ୍ପାନୀ 2022 ଡିସେମ୍ବର ଯାଏଁ 50 କୋଟି ପଞ୍ଜିକୃତ ୟୁଜର୍ସ ଯୋଡିବା ପାଇଁ ଲକ୍ଷ୍ୟ ରଖିଛି ।
