ନୂଆଦିଲ୍ଲୀ: ଲୋକଙ୍କୁ ବିଶୁଦ୍ଧ ପାଣି ଯୋଗାଇଦେବା ପାଇଁ ପେପସିକୋ ଫାଉଣ୍ଡେସନ 30 ଲକ୍ଷ ଡଲାର ନିବେଶ କରିବ । ସୋମବାର ଏନେଇ କମ୍ପାନୀ ପକ୍ଷରୁ ସୂଚନା ଦିଆଯାଇଛି । WaterAid ସହ ମିଶି କମ୍ପାନୀ ପଶ୍ଚିମବଙ୍ଗ ଓ ମହାରାଷ୍ଟ୍ରର ଅଧିକ ଜଳ ସଙ୍କଟ ଥିବା ଇଲାକାରେ ମହିଳାଙ୍କୁ ସହଯୋଗ କରିବ । ଏଥିସହ ଏହି ଜଳ କୃଷି ସମ୍ପ୍ରଦାୟ ପାଖରେ ମଧ୍ୟ ପହଞ୍ଚାଯିବ ।
କମ୍ପାନୀ ଏକ ବିବୃତ୍ତିରେ କହିଛି ଯେ, ଏହି କାର୍ଯ୍ୟକ୍ରମର ଲକ୍ଷ୍ୟ ହେଉଛି 2 ଲକ୍ଷ ଚାଷୀଙ୍କୁ ପାଇପ ମାଧ୍ୟମରେ ପାନୀୟ ଜଳ ଯୋଗାଇବା ସହ ଜଳ ଉତ୍ସ ବୃଦ୍ଧି କରିବା । ଏଥିସହିତ ଏହି କ୍ଷେତ୍ରରେ ସମ୍ପ୍ରଦାୟିକ ପରିଚାଳନା ଭିତ୍ତିକ ଜଳ ବଣ୍ଟନ ବ୍ୟବସ୍ଥାକୁ ମଧ୍ୟ ପ୍ରତିଷ୍ଠା କରାଯିବ ।
ପେପସିକୋ ଫାଉଣ୍ଡେସନ ପକ୍ଷରୁ ଦେଶରେ କରାଯାଉଥିବା ଏହି ନିବେଶ 2030 ସୁଦ୍ଧା ବିଶ୍ୱରେ 10 କୋଟି ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇବା ନେଇ ପ୍ରତିବଦ୍ଧତାର ଏକ ଅଂଶ । ଫାଉଣ୍ଡେସନ କହିଛି ଯେ, 2006 ମସିହାରୁ ଏହା 4.4 କୋଟିରୁ ଅଧିକ ଲୋକଙ୍କୁ ବିଶୁଦ୍ଧ ଜଳ ପହଞ୍ଚାଇବା ସୁନିଶ୍ଚିତ କରିବାରେ ସାହାଯ୍ୟ କରିଛି।
