ନୂଆଦିଲ୍ଲୀ: ବଜେଟରେ ଘର କ୍ରୟ ଉପରେ ମିଳିପାରେ କିଛି ଖାସ । ଧିମେଇ ପଡିଥିବା ରିଅଲ ଇଷ୍ଟେଟକୁ ଆଶ୍ବସ୍ତି ଦେବେ ମୋଦି ସରକାର । ଓଡିଶା , କେରଳ ଓ ଚେନ୍ନାଇ ଭଳି ପ୍ରାକୃତିକ ବିପର୍ଯ୍ୟୟରେ କ୍ଷତିଗ୍ରସ୍ତ ହେଉଥିବା ରାଜ୍ୟ ଗୁଡିକ ପାଇଁ ଗୃହ ବୀମାରେ କର ରିହାତି ଅଧିକ ଲାଭପ୍ରଦ ହେବ ।
ସେହିପରି ନିର୍ମଳାଙ୍କ ବଜେଟ ପେଡିରେ ଘର ଋଣ ଉପରେ ଟିକସ ସ୍ଲାବକୁ କୋହଳ କରାଯାଇପାରେ । 65 ପ୍ରତିଶତ ଲୋକଙ୍କ କହିବା ଅନୁଯାୟୀ ଶସ୍ତା ହୋମ ଲୋନକୁ ପୋତ୍ସାହନ ଦେବା ଆବଶ୍ୟକ । 2 ଲକ୍ଷ ଋଣ ଉପରେ ଋଣ ରିହାତି ସୀମାକୁ ବଢାଇବାକୁ ସରକାରଙ୍କୁ ଆବେଦନ କରାଯାଇଛି ।
ପୂର୍ଣ୍ଣାଙ୍ଗ ବଜେଟରେ ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ଅଧିକ ବ୍ୟୟବରାଦ ହୋଇପାରେ । ଯେପରି ସହାରଞ୍ଚଳର ଭିତ୍ତିଭୂମିର ବିକାଶ ସହ ପ୍ରତ୍ୟେକଙ୍କ ପାଖରେ ନିଜସ୍ବ ଘର ରହିପାରିବ । ପ୍ରକାଶ ଥାଉ କି, 2020 ସୁଦ୍ଧା 1 କୋଟି ଘର ନିର୍ମାଣ କରାଯିବ ବୋଲି କେନ୍ଦ୍ର ମନ୍ତ୍ରୀ ହରଦ୍ବୀପ ସିଂହ କହିଥିଲେ ।
ଦିନକୁ ଦିନ ଅସଖ୍ୟ ସଂଖ୍ୟାରେ ଠିଆହେଉଛି ବଡ ବଡ ଅଟ୍ଟାଳିକା । ହେଲେ ଏସବୁକୁ କିଣିବାକୁ ନାହାନ୍ତି ଗ୍ରାହକ । ମୋଟା କର ସାଙ୍ଗକୁ ଇଏମଆଇ ଉପରେ ସୁଧ ଟେନସନ । ଯେଉଁଥିପାଇଁ ହ୍ରାସ ପାଉଛି କାରବାର । ଏଥିଲାଗି ରିଅଲଇଷ୍ଟେଟକୁ ଦରକାର ବୁଷ୍ଟର ଡୋଜ ।
