ନୂଆଦିଲ୍ଲୀ: ଟିକସର ସରଳୀକରଣ ନେଇ ଆୟକର ବିଭାଗ ଆଣିଲା ନୂଆ ବ୍ୟବସ୍ଥା । ଟିଡିଏସ (ଉତ୍ସରେ କଟାଯାଇଥିବା ଟ୍ୟାକ୍ସ) କାଟ ଓ ଟିସିଏସ (ଉତ୍ସରୁ ସଂଗୃହିତ ଟ୍ୟାକ୍ସ) ସଂଗ୍ରହ ପାଇଁ ସେ ସମସ୍ତ ବ୍ୟକ୍ତିଙ୍କ ଚିହ୍ନଟ ପାଇଁ ଏକ ନୂଆ ବ୍ୟବସ୍ଥା ବିକଶିତ କରିଛି ବିଭାଗ । ଯେଉଁମାନଙ୍କ ଉପରୁ ଜୁଲାଇ ପହିଲାରୁ ଉଚ୍ଚ ହାରରେ କର ଆଦାୟ କରାଯିବ ।
ଆର୍ଥିକ ବର୍ଷ 2020-21 ବଜେଟରେ ଏହି ବ୍ୟବସ୍ଥା ହୋଇଛି ଯେ, ଗତ 2 ଆର୍ଥିକ ବର୍ଷରେ ଯେଉଁମାନେ ଆୟକର ରିଟର୍ଣ୍ଣ ଦାଖଲ କରିନାହାଁନ୍ତି, ସେମାନଙ୍କ ମାମଲାରେ ସୋର୍ସ ଉପରେ କର କାଟ ଓ ସୋର୍ସ ଉପରେ କର ସଂଗ୍ରହ ଅଧିକ ହାରରେ ହେବ । 2 ବର୍ଷରେ ପ୍ରତ୍ୟେକରେ 50,000 କିମ୍ବା ତା’ଠାରୁ ଅଧିକ ଟିକସ ରିହାତି ଦିଆଯାଉଛି, ସେମାନଙ୍କ ଉପରେ ଏହି ନିୟମ ଲାଗୁ ହେବ ।
କେନ୍ଦ୍ରୀୟ ପ୍ରତ୍ୟେକ୍ଷ କର ବୋର୍ଡ (ସିବିଡିଟି) ସୋମବାର ସର୍କୁଲାର ଜାରି କରି ରିଟର୍ଣ୍ଣ ଭରୁନଥିବା ଲୋକଙ୍କ ମାମଲାରେ ଉଚ୍ଚ ଦରରୁ କଟ କାଟ ଓ ସଂଗ୍ରହକୁ ନେଇ ଧାରା 206ଏବି ଓ 206 ସିସିଏର କାର୍ଯ୍ୟନ୍ବୟନକୁ ନେଇ ସର୍କୁଲାର ଜାରି କରାଯାଇଛି ।
ଆୟକର ବିଭାଗ 2021-22 ଆରମ୍ଭରେ ‘ବିଶିଷ୍ଟ ବ୍ୟକ୍ତିଙ୍କ’ ଲିଷ୍ଟ ପ୍ରସ୍ତୁତ କରିଦେଇଛି । ଏହି ଲିଷ୍ଟ ପ୍ରସ୍ତୁତ ସମୟରେ 2018-19 ଓ 2019-20ରେ ଗତ 2 ସମ୍ବନ୍ଧିତ ବର୍ଷ ଉପରେ ଧ୍ୟାନ ଦିଆଯାଇଛି । ଏହି ସୂଚୀରେ ସେହି କରଦାତାଙ୍କ ନାଁ ରହିଛି , ଯେଉଁମାନେ ଆକଳନ ବର୍ଷ 2019-20 ଓ 2020-21 ପାଇଁ ରିଟର୍ଣ୍ଣ ଦାଖଲ କରିନାହାନ୍ତି । ଆଉ ଏହି 2 ବର୍ଷରେ ପ୍ରତ୍ୟେକରେ ସେମାନଙ୍କ ମୋଟ ଟିଡିଏସ ଓ ଟିସିଏସ 50,000 ଟଙ୍କା ଅଥବା ଏହା ଠାରୁ ଅଧିକ ରହିଛି ।
