ନୂଆଦିଲ୍ଲୀ: ଏସିଆର ନମ୍ବର ୱାନ ଧନୀ ମୁକେଶ ଅମ୍ବାନୀ ଏବେ ବିଶ୍ବର ଚତୁର୍ଥ ଧନୀ ହୋଇଛନ୍ତି । ବ୍ଲୁମବର୍ଗ ବିଲିୟନାରୀ ସୂଚୀରେ ଏନେଇ ପ୍ରକାଶ କରାଯାଇଛି । ଅମ୍ବାନୀଙ୍କ ମୋଟ ସମ୍ପତ୍ତି ପରିମାଣ 80.2 ବିଲିୟନ ଡଲାର ଅର୍ଥାତ 6.04 ଲକ୍ଷ କୋଟିକୁ ବୃଦ୍ଧି ପାଇଛି ।
ରିଲାଏନ୍ସ ଇଣ୍ଡଷ୍ଚ୍ରିଜର ଅଧ୍ୟକ୍ଷ ମୁକେଶ ଅମ୍ବାନୀଙ୍କ ସମ୍ପତ୍ତିରେ ଏ ବର୍ଷ 22 ବିଲିୟନ ଡଲାର ବୃଦ୍ଧି ହୋଇଛି । କୋରୋନା ମାହାମାରୀ ମଧ୍ୟରେ ତାଙ୍କ କମ୍ପାନୀ ଜିଓ ପ୍ଲାର୍ଟଫର୍ମର ବିନିବେଶ ପ୍ରକ୍ରିୟା ଆରମ୍ଭ ଯୋଗୁଁ 1.5 ଲକ୍ଷ କୋଟିରୁ ଅଧିକ ଫଣ୍ଡ ସେ ଏକଜୁଟ କରିବାରେ ସକ୍ଷମ ହୋଇଛନ୍ତି । ଏଥିସହ ଆରଆଇଏଲର ବଜାର ପୁଞ୍ଜିକରଣ ପରିମାଣ ମଧ୍ୟ ବଢିଚାଲିଛି ।
ତେବେ ଏହି ବିଲିୟନାରୀ ସୂଚୀର ପ୍ରଥମରେ ମାର୍କ ଜୁକରବର୍ଗ ଅଛନ୍ତି । ସେହିପରି ଦ୍ବିତୀୟ , ବିଲ ଗେଟସ , ତୃତୀୟ ରେ ଜେଫ ବେଜୋସ ଅଛନ୍ତି । ବଡ କଥା କି ମୁକେଶ ଅମ୍ବାନୀ ପୂର୍ବରୁ ଚତୁର୍ଥ ସ୍ଥାନରେ ରହିଥିବା ଫ୍ରାନ୍ସର ବର୍ଣ୍ଣାଡ ଆର୍ନାଲ୍ଟଙ୍କୁ ପଛରେ ପକାଇ ଏହି ସୂଚୀରେ ଉପରକୁ ଉଠିଛନ୍ତି । ଏଥର ପଞ୍ଚମରେ ବର୍ଣ୍ଣାଡ ଅଛନ୍ତି । ଏହି 5 ଧନୀ ବ୍ୟକ୍ତିଙ୍କ ମଧ୍ୟରେ ମୁକେଶ ଅମ୍ବାନୀ ଏକମାତ୍ର ଭାରତୀୟ ।
ଜାଣନ୍ତୁ ବିଶ୍ୱର ଶ୍ରେଷ୍ଠ 10 ଧନୀକ-
- ଜେଫ୍ ବେଜୋସ
- ବିଲ୍ ଗେଟ୍ସ
- ମାର୍କ ଜୁକରବର୍ଗ
- ମୁକେଶ ଅମ୍ବାନୀ
- ବର୍ଣ୍ଣାଡ ଆର୍ନାଲ୍ଟ
- ୱାରେନ୍ ବଫେଟ୍
- ଷ୍ଟିଭ୍ ବଲ୍ମର୍
- ଲ୍ୟାରି ପେଜ
- ସର୍ଗେ ବ୍ରେନ
- ଏଲନ୍ ମସ୍କ
