ନୂଆଦିଲ୍ଲୀ: ଦେଶରେ ରୋଜଗାର ହ୍ରାସ ଜାତୀୟ ବିପଦ ହୋଇସାରିଲାଣି । ହେଲେ କେନ୍ଦ୍ର ସରକାର କେବଳ ଫମ୍ପା ପ୍ରତିଶ୍ରୁତି ଦେଉଛନ୍ତି । ଗୁରୁବାର କଂଗ୍ରେସ ନେତା ରାହୁଲ ଗାନ୍ଧୀ ସରକାରଙ୍କୁ ଟାର୍ଗେଟ କରି ଅଭିଯୋଗ କରିଛନ୍ତି ।
ଏକ ଖବରକୁ ଦର୍ଶାଇ ସେ ଟ୍ବିଟ କରି କହିଛନ୍ତି, ‘‘ନିଯୁକ୍ତି ହ୍ରାସ ଏବେ ଏଭଳି ଏକ ଜାତୀୟ ବିପଦ ହୋଇଛି , ଯାହା ବଢିଚାଲିଛି । ମୋଦି ସରକାର କେବଳ ମିଥ୍ୟା ଫମ୍ପା ପ୍ରତିଶୃତି ଦେବା ଜାଣନ୍ତି । ସମାଧାନ କରିବା ନୁହେଁ ।’
ତେବେ କଂଗ୍ରେସ ନେତା ଯେଉଁ ଖବର ସେୟାର କରିଥିଲେ , ସେଥିରେ କୁହାଯାଇଛି ଯେ, ସେପ୍ଟେମ୍ବର ମାସ ତୁଳନାରେ ଅକ୍ଟୋବର ମାସରେ ରୋଜଗାର ଅବସରରେ ପ୍ରାୟ 60 ପ୍ରତିଶତ ହ୍ରାସ ହୋଇଛି ।
ଏହା ପୂର୍ବରୁ ମଧ୍ୟ ରାହୁଲ ଗାନ୍ଧୀ ନିଯୁକ୍ତି ହ୍ରାସ , ବେକାରୀ ସମସ୍ୟାକୁ ନେଇ ବହୁତ ଥର ସ୍ବର ଉଠାଇବା ସହ ସରକାରଙ୍କୁ ସମାଲୋଚନା କରିଥିଲେ ।
