ନୂଆଦିଲ୍ଲୀ: 'ଇଜ ଅଫ ଡୁଇଙ୍ଗ ବିଜନେସ’ ତାଲିକାରେ ଉଛୁଳିଲା ଭାରତ । 14ଟି ସ୍ଥାନ ଉପରକୁ ଚଢି 63 ପହଞ୍ଚିଲା ଭାରତ । ବିଶ୍ବ ବ୍ୟାଙ୍କ ପକ୍ଷରୁ ପ୍ରକାଶ ପାଇଥିବା ଏହି ରିପୋର୍ଟରେ ଲଗାତାର 5 ଥର ଧରି ଭାରତ ଉପରକୁ ଉଠିଚାଲିଛି । 190 ଦେଶର ଏହି ତାଲିକାରେ ଗତ ବର୍ଷ ଭାରତ 77 ନମ୍ବରରେ ଥିଲା ।
ବ୍ୟବସାୟ ଅନୁକୂଳ କ୍ଷେତ୍ରରେ ଦ୍ରୁତ ଗତିରେ ସୁଧୁରୁଥିବା ଶ୍ରେଷ୍ଠ 10 ଦେଶ ମଧ୍ୟରେ ଭାରତ ଅଛି । ଗତ 5 ବର୍ଷ ଭିତରେ ଭାରତ ରାଙ୍କିଙ୍ଗ 79 ସ୍ଥାନରୁ ବଢି ଆଜି 63ରେ ପହଞ୍ଚିଛି ।
ଦେବାଳିଆ ଶୋଧନ ପ୍ରକ୍ରିୟା, କଷ୍ଟ୍ରକ୍ସନ ପରମିଟ, ପ୍ରପର୍ଟି ରେଜିଷ୍ଟ୍ରେସନ, ବିଦେଶୀ ବ୍ୟାପାର, ଟିକସ ପ୍ରଣାଳୀ ଆଦି ଇଣ୍ଡିକେଟର୍ସରେ ଜବରଦସ୍ତ ସୁଧାର ଆସିଛି । ଯେଉଁଥିପାଇଁ ଭାରତ ନିବେଶ ଉପଯୋଗୀ ରାଷ୍ଟ୍ର ଭାବେ ମୁଣ୍ଡ ଟେକିଛି ।
ତେବେ ଆଗାମୀ ଭବିଷ୍ୟତରେ ଏହି ତାଲିକାର 50 ନମ୍ବରରେ ଭାରତକୁ ପହଞ୍ଚାଇବାକୁ ସରକାର ଲକ୍ଷ୍ୟ ରଖିଛନ୍ତି ।
