ନୂଆଦିଲ୍ଲୀ: ଚନ୍ଦା କୋଚ୍ଚରଙ୍କ ଠାରୁ ଟଙ୍କା ଆଦାୟ ପାଇଁ ଅଦାଲତର ଦ୍ବାରସ୍ଥ ହୋଇଛି ICICI ବ୍ୟାଙ୍କ। ଜାନୁଆରୀ 10 ତାରିଖରେ ବ୍ୟାଙ୍କ ଟଙ୍କା ଆଦାୟ କରିବା ପାଇଁ ଅଭିଯୋଗ କରିଛି। ଏହା ସହ ICICI ବ୍ୟାଙ୍କ ବିରୋଧରେ ଚନ୍ଦା କରିଥିବା ଯାଚିକାକୁ ଖାରଜ ପାଇଁ ଆବେଦନ କରାଯାଇଛି।
ଏହାକୁ ବାଣିଜ୍ୟିକ ମୁଦ୍ଦା ଅନ୍ତର୍ଗତ ରିଲିଜ ପାଇଁ ବ୍ୟାଙ୍କ ଦାବି କରିଛି। ବ୍ୟାଙ୍କ ଦାଖଲ କରିଥିବା ସତ୍ୟପାଠରେ ଦର୍ଶାଇଛି ଯେ, ଆଇସିଆଇସିଆଇ ଏକ ମାମଲା ରୁଜୁ କରିଛି। ଯେଉଁଥିରେ 2006 ଏପ୍ରିଲରୁ 2018 ପର୍ଯ୍ୟନ୍ତ ଚନ୍ଦା କୋଚ୍ଚରଙ୍କୁ ଦିଆଯାଇଥିବା ବୋନସକୁ ଫେରସ୍ତ ନେବା ପାଇଁ ଦାବି ହୋଇଛି।
କର୍ମଚାରୀଙ୍କୁ ଦିଆଯାଇଥିବା ଟଙ୍କାକୁ ଫେରସ୍ତ ନେଇ ପ୍ରବନ୍ଧନ ରହିଛି। ଏହା ପଛରେ ପ୍ରଫିଟ କମ କିମ୍ବା କର୍ମଚାରୀଙ୍କ ଅନୈତିକ ଗତିବିଧିରେ ସାମିଲ ନେଇ ଜଣାପଡିବା ପରେ ଏହି ଆଇନକୁ ଲାଗୁ କରାଯାଇପାରିବ।
ତେବେ ଚନ୍ଦା କୋଚ୍ଚର ଦାଖଲ କରିଥିବା ଯାଚିକା ବିରୋଧରେ କୋର୍ଟ ସତ୍ୟପାଠ ଜାରି କରି ଟଙ୍କା ମାଗିଛି । ଏହି ଯାଚିକାରେ ଚନ୍ଦା, ବ୍ୟାଙ୍କର ଡିସମିସକୁ ଚ୍ୟାଲେଞ୍ଜ କରିଛନ୍ତି । ଚନ୍ଦାଙ୍କ କହିବା ଅନୁଯାୟୀ ସେ ନିଜ ପଦକୁ ସ୍ବେଚ୍ଚାକୃତ ଭାବେ ଛାଡିଥିଲେ । ହେଲେ ପରେ ତାଙ୍କୁ ଡିସମିସ କରାଗଲା । ଯାହାକି ଯୁକ୍ତିଯୁକ୍ତ ନୁହେଁ । ଏଭଳି ଭାବେ ବ୍ୟାଙ୍କ ଓ ଚନ୍ଦାଙ୍କ ମଧ୍ୟରେ ବିବାଦ ଘନେଇବାରେ ଲାଗିଛି ।
