ନୂଆଦିଲ୍ଲୀ: 2021 ଜାନୁଆରୀ 15ରୁ ଦେଶରେ ବାଧ୍ୟତାମୂଳକ ହେବ ହଲମାର୍କ ସୁନା । ଗହଣାର ଗୁଣବତ୍ତାକୁ ସୁନିଶ୍ଚିତ କରିବା ପାଇଁ ସରକାର ଏଭଳି ନିଷ୍ପତ୍ତି ନେଇଛନ୍ତି । ଶୁକ୍ରବାର ଖାଦ୍ୟ ଏବଂ ଉପଭୋକ୍ତା ବ୍ୟାପାର ମନ୍ତ୍ରୀ ରାମ ବିଳାସ ପାଶଓ୍ଵାନ ଏ ନେଇ ସୂଚନା ଦେଇଛନ୍ତି ।
ଏଥିପାଇଁ ବିଭାଗ ପକ୍ଷରୁ ଆସନ୍ତା ବର୍ଷ ଜାନୁଆରୀ 15ରେ ବିଜ୍ଞପ୍ତି ଜାରି କରାଯିବ । ଯେପରି ବର୍ଷେ ଭିତରେ ସୁନା ବେପାରୀ ସେମାନଙ୍କ ପୁରୁଣା ଷ୍ଟକକୁ ବିକ୍ରି କରି ନୂଆ ନିୟମକୁ କାର୍ଯ୍ୟକାରୀ ପାଇଁ ପ୍ରସ୍ତୁତ ହେବେ ।
ପ୍ରକାଶ ଯେ, ବର୍ତ୍ତମାନ ସମୟରେ ଦେଶରେ ସୁନା ଗହଣା ଉପରେ ହଲମାର୍କିଂ ଇଚ୍ଛାଧୀନ ରହିଛି । ଏଥିପାଇଁ କମ ଗୁଣବତ୍ତାର ସୁନା ଦେଇ ଦୋକାନୀ ଲୋକଙ୍କୁ ଅତି ସହଜରେ ଠକୁଛନ୍ତି । ଏଥିପାଇଁ ସରକାର ହଲମାର୍କିଂ କେନ୍ଦ୍ରରେ ସୁନାକୁ ପରଖି ହଲମାର୍କିଂ ଉପଲବ୍ଧ କରିବେ । ପୂର୍ବରୁ ଏହି ପ୍ରସ୍ତାବକୁ ବାଣିଜ୍ୟ ମନ୍ତ୍ରାଣଳୟ ପକ୍ଷରୁ ମଞ୍ଜୁରୀ ମିଳିପାରିଛି ।
