ନୂଆଦିଲ୍ଲୀ: ବୀମା କ୍ଷେତ୍ର ପରେ ପେନସନ କ୍ଷେତ୍ରରେ ବଢିପାରେ ପ୍ରତ୍ୟକ୍ଷ ବିଦେଶୀ ପୁଞ୍ଜି ନିବେଶ (ଏଫଡିଆଇ) ସୀମା । ପେନସନ କ୍ଷେତ୍ରରେ 74 ପ୍ରତିଶତ ଏଫଡିଆଇ ପାଇଁ ବିଲ ମୌସୁମୀ ଅଧିବେଶନରେ ଆସିପାରେ ।
ବୀମା କ୍ଷେତ୍ରରେ ଏଫଡିଆଇ ସୀମା 49 ପ୍ରତିଶତରୁ ବୃଦ୍ଧି ହୋଇ 74 ପ୍ରତିଶତ କରିବାକୁ ଆଇନ ସଂଶୋଧନକୁ ଗତ ମାସରେ ସଂସଦରେ ଅନୁମୋଦନ ମିଳିଛି । ବୀମା ଅଧିନିୟମ 1938ରେ ଶେଷ ଥର 2015 ରେ ସଂଶୋଧନ କରି ଏଫଡିଆଇ ସୀମା ବଢାଇ 49 ପ୍ରତିଶତ କରାଯାଇଥିଲା ।
ଏହା ଦ୍ବାରା ଏହି କ୍ଷେତ୍ରରେ 5 ବର୍ଷରେ 26,000 କୋଟି ଟଙ୍କାର ବିଦେଶୀ ନିବେଶ ଆସିଛି । ତଥ୍ୟ ଅନୁସାରେ ପେନସନ ପାଣ୍ଠି ନିୟାମକ ଏବଂ ବିକାଶ ପ୍ରାଧିକରଣ (PFRDA) ଅଧିନିୟମ 2013ରେ ସଂଶୋଧନ ମୌସୁମୀ ବା ଶୀତକାଳୀନ ଅଧିବେଶନରେ ଅଣାଯାଇପାରେ । ଏହା ଜରିଆରେ ପେସନସନ କ୍ଷେତ୍ରରେ ଏଫଡିଆଇର ସୀମା ବଢାଯାଇପାରେ ।
ଏବେ ପେନସନ କ୍ଷେତ୍ରରେ ଏଫଡିଆଇ ସୀମା 49 ପ୍ରତିଶତ ରହିଛି । ତଥ୍ୟ ରହିଛି କି ସଂଶୋଧନ ବିଧେୟକରେ ଜାତୀୟ ପେନସନ ପ୍ରଣାଳୀ (ଏନପିଏସ) କୁ ପିଏଫଆରଡିଏରୁ ଅଲଗା କରିବାକୁ ବ୍ୟବସ୍ଥା ହୋଇପାରେ ।
