ନୂଆଦିଲ୍ଲୀ: ଆର୍ଥିକ ପ୍ୟାକେଜରେ ଘୋଷଣା ହୋଇଥିବା ଇପିଏଫ ପାଇଁ ରିହାତି ନିୟମ ଲାଗୁ କଲେ ସରକାର । ଏହା ଅନୁଯାୟୀ ଅଗଷ୍ଟ ମାସ ପର୍ଯ୍ୟନ୍ତ କର୍ମଚାରୀଙ୍କ ଇପିଏଫ ଯୋଗଦାନ 12ରୁ ହ୍ରାସ ପାଇଁ 10 ପ୍ରତିଶତ ରହିବ । ସରକାରୀ ସଂସ୍ଥାଗୁଡିକ ପାଇଁ ଏହି ନିୟମ ଲାଗୁ ହେବ ନାହିଁ ।
ତେବେ ସରକାରଙ୍କ ଏହି ନିଷ୍ପତ୍ତି ଦ୍ବାରା 4.3 କୋଟି କର୍ମଚାରୀ ଘରକୁ ଅଧିକ ଦରମା ନେଇଯାଇ ପାରିବେ । କୋରୋନା ପ୍ରଭାବରେ ନଗଦ ସଙ୍କଟରେ ଜୁଝୁଥିବା ନିଯୁକ୍ତିଦାତା(କମ୍ପାନୀ)ଙ୍କୁ ଆଶ୍ବସ୍ତି ଦେବା ପାଇଁ ଅର୍ଥମନ୍ତ୍ରୀ ଆର୍ଥିକ ପ୍ୟାକେଜରେ ଏ ନେଇ ରିଲିଫ ଦେଇଥିଲେ ।
ଅନୁମାନ ରହିଛି କି ଏହି ନିର୍ଣ୍ଣୟ ଦ୍ବାରା ଆସନ୍ତା 3 ମାସରେ 6,750 କୋଟି ଟଙ୍କା ନଗଦ ବଢିବ ।
ଏହି ଇପିଏଫ ଯୋଗାଦାନରେ ହ୍ରାସ ନିୟମ ମେ , ଜୁନ ଓ ଜୁଲାଇ ଯାଏଁ କାର୍ଯ୍ୟାକାରୀ ହେବ । ତେବେ ଆଗକୁ ନିଯୁକ୍ତିଦାତାଙ୍କ ଯୋଗାଦାନ ମଧ୍ୟ ହ୍ରାସ ପାଇବ । ଫଳରେ କର୍ମଚାରୀଙ୍କ ଦରମା ମଧ୍ୟ ବଢିବ ।
