ନୂଆଦିଲ୍ଲୀ: ଭାରତୀୟ କମ୍ପାନୀ ପେଟିଏମକୁ ବଡ ଝଟକା ଦେଇଛି ଗୁଗୁଲ । ଶୁକ୍ରବାର ଗୁଗଲ ପ୍ଲେ-ଷ୍ଟୋରରୁ ପେଟିଏମ ଆପ ହଟାଇଛି ଗୁଗୁଲ ।
ଭାରତରେ ଲକ୍ଷ ଲକ୍ଷ ବ୍ୟବହାରକାରୀଙ୍କ ଦ୍ୱାରା ଡାଉନଲୋଡ ହୋଇଥିବା ଆପକୁ ହଟାଇବା ପଛରେ ଗୁଗଲ ବିଶେଷ ଭାବରେ ଏହାର କାରଣ ଉଲ୍ଲେଖ କରିନି । କିନ୍ତୁ ଆଜି ପୋଷ୍ଟ ହୋଇଥିବା ଏକ ବ୍ଲଗ ରେ ଜୁଆ ଖେଳକୁ ନେଇ ଅଙ୍ଗୁଳି ନିର୍ଦ୍ଦେଶ କରିଛି ।
ବ୍ଲଗରେ ଗୁଗଲ ବିବୃତ୍ତି ଜାରି କରି କହିଛି କି, କୌଣସି ମଧ୍ୟ ଅନଲାଇନ ଜୁଆ ଓ କସିନୋ ଗେମ୍ସ (gambling apps)କୁ ଭାରତରେ ପ୍ରୋତ୍ସାହନ ଦେବନି କମ୍ପାନୀ । ଲୋକଙ୍କୁ ଏକ ସୁରକ୍ଷିତ ପ୍ଲାର୍ଟଫର୍ମ ଉପଲବ୍ଧ କରିବା କମ୍ପାନୀର ଲକ୍ଷ୍ୟ । ଏଣୁ ସମସ୍ତ ପଲିସି ଗ୍ରାହକଙ୍କ ହିତରେ ତିଆରି ହୋଇଛି । ଏଣୁ ପେଟିଏମକୁ ଗୁଗୁଲ ପ୍ଲେ ଷ୍ଟୋରରୁ ହଟା ଦିଆଦିଆଯାଇଛି । ଫଳରେ ଏବେ ୟୁଜର୍ସ ଆଗାମୀ ଆଦେଶ ସୁଦ୍ଧା ଗୁଗୁଲ ପ୍ଲେ ଷ୍ଟୋରରୁ ଆପକୁ ଡାଉନଲୋଡ କରିପାରିବେ ନାହିଁ । କିନ୍ତୁ ଆପଲ ପ୍ଲେ ଷ୍ଟୋରରେ ଏହା ଡାଉନଲୋଡ ପାଇଁ ରହିଛି ।
ତେବେ ପେଟିଏମ ଆପ ବ୍ୟତିତ କମ୍ପାନୀର ଅନ୍ୟ ଆପ ପେଟିଏମ ଫର ବିଜନେସ, ପେଟିଏମ ମନି , ପେଟିଏମ ମଲ ଏବଂ ଅନ୍ୟ କିଛି ପ୍ଲେ ଷ୍ଟୋରରେ ଡାଉନଲୋଡ ପାଇଁ ଉପଲବ୍ଧ ଅଛି ।
ପେଟିଏମ ଉପରେ ଗୁଗଲ ପଲିସିର ଉଲଙ୍ଘନ ଅଭିଯୋଗ ରହିଛି । ଗୁଗଲ ଅନୁସାରେ ଏନେଇ ପେଟିଏମ ଡେଭଲପର୍ସଙ୍କୁ ଜଣାଇଥିଲେ ସୁଦ୍ଧା କୌଣସି ପଦକ୍ଷେପ ଗ୍ରହଣ ହୋଇନାହିଁ । ଏଣୁ ଯେବେ ଯାଏଁ ଏଥିରେ ସୁଧାର ହୋଇନି ପେଟିଏମ ଆପ ଡାଉନଲୋଡ ହେବ ନାହିଁ ବୋଲି କମ୍ପାନୀ ରୋକଠୋକ ଜଣାଇଛି ।
