ନୂଆଦିଲ୍ଲୀ. ମତ୍ସଜୀବୀଙ୍କ ଉପରେ ପଡିବନି ଲକଡାଉନର ପ୍ରଭାବ । କୃଷି ପରେ ବାଧାମୁକ୍ତ ହେଲା ମତ୍ସ୍ୟପାଳନ ଓ ମାର୍କେଟିଂ । ଏବେ ବିନା କୌଣସି ପ୍ରତିବନ୍ଧକରେ ମତ୍ସଜୀବୀ ସେମାନଙ୍କ କାମ ଜାରି ରଖିପାରିବେ ବୋଲି ଶୁକ୍ରବାର କେନ୍ଦ୍ର ସରକାର ସୂଚନା ଦେଇଛନି ।
ଗୃହ ମନ୍ତ୍ରାଣଳୟ ଦ୍ବାରା ମାର୍ଚ୍ଚ 24ରେ ଜାରି ଦିଶା ନିର୍ଦ୍ଦେଶ ଅନୁଯାୟୀ ଶୁକ୍ରବାର ଯୋଡାଯାଇଥିବା ପଞ୍ଚମ ପୃଷ୍ଠାରେ ମତ୍ସ୍ୟ ପାଳନ, ମାଛ ଧରିବା ଓ ତାର ବିକ୍ରି ସମତେ ମତ୍ସ୍ୟ ଉଦ୍ୟୋଗର ତମାମ ଗତିବିଧିକୁ କଟକଣା ହଟାଯାଇଛି । ଏଥିରେ କୋଲ୍ଡ ଚେନ, ହେଟରୀ, ଫିଡ ପ୍ଲାଣ୍ଟ ଆଦି ସାମିଲ ରହିଛି ।
କୋରୋନା ଭାଇରସ ସଂକ୍ରମଣ ରୋକିବାକୁ ଦେଶବ୍ୟାପୀ ଲକଡାଉନ ଜାରି ରହିଛି । ଲୋକଙ୍କୁ ଘରୁ ବାହାରିବାକୁ ଅନୁମତି ମିଳୁନି । ହେଲେ ଲୋକଙ୍କ ଆବଶ୍ୟକତାକୁ ନଜରରେ ରଖି ଖାଦ୍ୟ ସାମଗ୍ରୀ ଯୋଗାଣ ଜାରି ରଖିବାକୁ ମଞ୍ଜୁରୀ ମିଳିଛି । ଏହା ଅନୁଯାୟୀ କୃଷି ଓ ଏହା ସମ୍ଭନ୍ଧୀୟ ଗତିବିଧିକୁ ଲକଡାଉନରୁ ମୁକ୍ତ କରାଯାଇଛି ।
