ନୂଆଦିଲ୍ଲୀ: ଦିନକୁ ଦିନ ନୂଆ ମୋଡ ନେଉଛି ପଞ୍ଜାବ ଆଣ୍ଡ ମହାରାଷ୍ଟ୍ର କୋ-ଅପରେଟିଭ (ପିଏମସି) ବ୍ୟାଙ୍କ ଦୁର୍ନୀତି ମାମଲା । ଏହି ଘଟଣାରେ ବ୍ୟାଙ୍କର ପୂର୍ବତନ ଏମଡି ଜୟ ଥୋମାସଙ୍କୁ 14 ଦିନର ନ୍ୟାୟିକ ହେପାଜତରେ ପଠାଯାଇଛି । ଏଥିସହ ଏହାର ପୂର୍ବ ନିର୍ଦ୍ଦେଶକ ସୁରଜିତ ସିଂହଙ୍କୁ ମଧ୍ୟ ପୋଲିସ ନିଜ ହେପାଜତରେ ନେଇଛି।
ଗୁରୁବାର ସକାଳୁ ମୁମ୍ବାଇର ଏସପ୍ଲେନେଡ କୋର୍ଟରେ 2 ଜଣଙ୍କୁ ହାଜିର କରାଯାଇଯାଇଥିଲା । ମାମଲାର ବିଚାର କରି କୋର୍ଟ ଜୟ ଥୋମାସଙ୍କୁ 14 ଦିନ ପାଇଁ ଓ ସୁରଜିତଙ୍କୁ ଆସନ୍ତା 22 ପର୍ଯ୍ୟନ୍ତ ହେପାଜତରେ ପଠାଇଦେଇଛି। ଏହା ପୂର୍ବରୁ (ବୁଧବାର) ମୁମ୍ବାଇ ପୋଲିସର ଆର୍ଥିକ ଅପରାଧ ଶାଖା (EOW)ର ସ୍ବତନ୍ତ୍ର ଯାଞ୍ଚ ଟିମ ସୁରଜିତ ସିଂହଙ୍କୁ ପଚରାଉଚରା କରିଥିଲା । ଏହା ପରେ ସେ ତାଙ୍କୁ ଗିରଫ କରାଯାଇଛି ।
ପ୍ରକାଶ ଯେ, ପିଏମସି ବ୍ୟାଙ୍କର ପୂର୍ବ ଚେୟାରମ୍ୟାନ ୱାପରସ ସିଂହ, ପ୍ରବନ୍ଧ ନିର୍ଦ୍ଦେଶକ ଥମାସ ଓ ଏଚଡିଆଇଏଲର ମାଲିକ ରାକେଶ ଓ ସାରଙ୍ଗ ୱାଧବନଙ୍କୁ ଗିରଫ କରାଯାଇଛି।
