ନୂଆଦିଲ୍ଲୀ: ପଳାତକ ଅର୍ଥନୈତିକ ଅପରାଧୀ ଆଇନ ଅଧୀନରେ ନୀରବ ମୋଦିଙ୍କ 329.66 କୋଟି ଟଙ୍କାର ସମ୍ପତ୍ତି ଜବତ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) । ବୁଧବାର ଏନେଇ ଇଡି ପକ୍ଷରୁ ସୂଚନା ଦିଆଯାଇଛି ।
ନୀରବ ମୋଦି ଓ ତାଙ୍କ ମାମୁଁ ମେହୁଲ ଚୋକସୀଙ୍କ ସମେତ ଅନ୍ୟ ଲୋକଙ୍କ ବିରୋଧରେ ମୁମ୍ବାଇରେ ପିଏନବି ବ୍ୟାଙ୍କରୁ 2 ଅରବ ଡଲାରର ଠକେଇ ଅଭିଯୋଗୁଁ ମନିଲଣ୍ଡରିଂ ମାମଲା ଚାଲିଛି । ଏନେଇ ଇଡି ଯାଞ୍ଚ ଜାରି ରଖିଛି ।
କେନ୍ଦ୍ରୀୟ ଯାଞ୍ଚ ଏଜେନ୍ସି ଏକ ବିବୃତ୍ତିରେ କହିଛି କି, ଜବତ ହୋଇଥିବା ଏହି ସମ୍ପତ୍ତିଗୁଡିକ ମଧ୍ୟରୁ ମୁମ୍ବାଇର ୱର୍ଲିସ୍ଥିତ ଆଇକନିକ ବିଲଡିଂ, ସମୁଦ୍ର ମହଲରେ 4 ଟି ପ୍ଲାଟ, ଏକ ସମୁଦ୍ର ପାର୍ଶ୍ବ ଫାର୍ମ ହାଉସ, ଅଲିବାଗରେ ଏକ ଜମି ଓ ଜଇସଲମରେ ଏକ ପବନ କଳ ରହିଛି । ଏଥିସହ ଲଣ୍ଡନର ଏକ ଫ୍ଲାଟ, ସଂଯୁକ୍ତ ଅରବ ଏମିରେଟସରେ ଏକ ଆବାସିକ ଫ୍ଲାଟ , ସେୟାର , ବ୍ୟାଙ୍କ ଜମା ଟଙ୍କା ଆଦି ଏଥିରେ ସାମିଲ ଅଛି ।
ପ୍ରକାଶ ଯେ, ମୁମ୍ବାଇର ଏକ ସ୍ବତନ୍ତ୍ର ନ୍ୟାୟଳୟ ନୀରବ ମୋଦିଙ୍କ ସମ୍ପତ୍ତି ଜବତ ପାଇଁ ଇଡିଙ୍କୁ କ୍ଷତମା ଜେଇଥିଲେ । ଏବେ ସୁଦ୍ଧା ଇଉଡି ପିଏମଏଲଏ ଅଧିନରେ ନୀରବ ମୋଦିଙ୍କ 2,348 କୋଟି ଟଙ୍କା ସମ୍ପତ୍ତି ଜବତ କରିଛି ।
