ନୂଆଦିଲ୍ଲୀ. କୋରୋନା ମୁକାବିଲାରେ ସାମିଲ ହେଲା ଖୁଚୁରା କ୍ଷେତ୍ରର ବାଦଶାହ ଡି-ମାର୍ଟ । ଏହାର ପ୍ରମୋଟର ରାଧାକିଶନ ଦମାନୀ ପିଏମ କେୟାର୍ସ ଓ ଅନ୍ୟ ରାଜ୍ୟର ରିଲିଫ ପାଣ୍ଠିକୁ ମୋଟ 155 କୋଟି ଟଙ୍କା ଦାନ କରିଛନ୍ତି ।
ଡି-ମାର୍ଟର ମାଲିକାନା ଥିବା ଆଭେନ୍ୟୁ ସୁପରମାର୍ଟ ଶନିବାର ଏହି ସୂଚନା ଦେଇଛନ୍ତି । କମ୍ପାନୀ ଏକ ବିବୃତ୍ତିରେ କହିଛି ଯେ ଏଥିରୁ 100 କୋଟି ଟଙ୍କା ପିଏମ କେୟାର୍ସ ପାଣ୍ଠି ଏବଂ 11 ଟି ରାଜ୍ୟ ସରକାରଙ୍କ ରିଲିଫ ପାଣ୍ଠିକୁ 55 କୋଟି ଟଙ୍କା ଯିବ ।
କୋରୋନା ଭାଇରସର ମୁକାବିଲା ତଥା ଏଥିରେ ପ୍ରଭାବିତଙ୍କ ସହଯୋଗ ପାଇଁ ପିଏମ କେୟାର୍ସ ପାଣ୍ଠି ଗଠନ କରାଯାଇଛି । ସାଧାରଣ ଲୋକଙ୍କ ଠାରୁ ନେତା, ଅଭିନେତା, ଉଦ୍ୟୋଗପତି ଏହି ପାଣ୍ଠିକୁ ଆର୍ଥିକ ସହାୟତା ପ୍ରଦାନ କରୁଛନ୍ତି ।
@PTI