ନୂଆଦିଲ୍ଲୀ: 46 ବୀରପୁଅଙ୍କ ଜୀବନ ମୂଲ୍ୟ ମାଗୁଛି ଭାରତ । ଗୋଟି ଗୋଟି କରି ପ୍ରତ୍ୟେକ ଆତଙ୍କବାଦୀଙ୍କ ମୁଣ୍ଡ ଚାହୁଁଛି ପ୍ରତିଟି ଭାରତୀୟ । ନରହନ୍ତାଙ୍କୁ କଡା ଶାସ୍ତି ଦେବା ଦାବିରେ ଆସନ୍ତା 18ରେ ରାଷ୍ଟ୍ରୀୟ ରାଜଧାନୀରେ ବ୍ୟବସାୟ ଠପ ରହିବ ।
ଏହିଦିନ ରାଜଧାନୀର ପ୍ରତ୍ୟେକ ବଜାର ବନ୍ଦ ରହିବ । ଦୋକାନରେ ତାଲା ପଡିବ । ଶହୀଦଙ୍କୁ ନ୍ୟାୟ ଓ ସେମାନଙ୍କ ପରିବାରକୁ ସମ୍ମାନ ଦେବା ପାଇଁ ବ୍ୟବସାୟ ବନ୍ଦ ରଖିବେ ବ୍ୟବସାୟୀ ।
ପୁଲୱାମା ଆକ୍ରମଣରେ ଦେଶ 46 ଯବାନଙ୍କୁ ହରାଇଛି । ଏଥିରେ କେବଳ ଭାରତ ନୁହେଁ ସମଗ୍ର ବିଶ୍ୱର ପାକିସ୍ତାନକୁ କଡା ନିନ୍ଦା କରିଛି । ଇଟାର ଜବାବ ପଥରରେ ଦେବା ପାଇଁ ଶାସକ ଦଳର ସାଥ ଦେଇଛନ୍ତି ବିରୋଧୀ । ଏହି ଘଟଣା ସମସ୍ତଙ୍କୁ ଏପରି ଗଭୀର ଆଘାତ ଦେଇଛି ଯେ, ପିଲା ଠାରୁ ବୃଦ୍ଧ ପର୍ଯ୍ୟନ୍ତ ସମସ୍ତଙ୍କ ରକ୍ତ ଗରମ ହୋଇପଡିଛି ।
