ନୂଆଦିଲ୍ଲୀ: ହରିୟାଣା ଓ ଜମ୍ମୁ-କାଶ୍ମୀର ଜନାଦେଶ ପରେ ଏବେ ଦୁଇ ରାଜ୍ୟରେ ଚାଲିଛି ଜୋରଦାର ସେଲିବ୍ରେଶନ । ସବୁ ଏକଜିଟ ପୋଲ ଆକଳନକୁ ଭୁଲ ପ୍ରମାଣିତ କରି ହରିୟାଣାରେ ବାଜି ପଲଟାଇ ଦେଇଛି ବିଜେପି । ଦୁଇ ରାଜ୍ୟର ଫଳାଫଳ ଆସିବା ପରେ ଆଜି(ମଙ୍ଗଳବାର) ସନ୍ଧ୍ୟାରେ ଦିଲ୍ଲୀ ବିଜେପି ମୁଖ୍ୟ କାର୍ଯ୍ୟାଳୟରେ ପହଞ୍ଚି ନେତା କର୍ମୀଙ୍କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଦି ଦଳର କାର୍ଯ୍ୟକର୍ତ୍ତାଙ୍କୁ ସମ୍ବୋଧନ କରି କହିଛନ୍ତି, ହରିୟାଣାରେ ବିଜେପି ମିଳିଲା ବିଜୟ । ଗୀତାର ଭୂମିରେ ସତ୍ୟ ଓ ବିକାଶର ବିଜୟ ହୋଇଛି ।
ହରିୟାଣାରେ ଫୁଟିଲା ପଦ୍ମ:
#WATCH | Addressing party workers at BJP headquarters in Delhi, Prime Minister Narendra Modi says " bjp government puts the nation first. bjp government is committed to serving the poor. be it the centre or haryana govt, in these ten years, not a single stain of corruption has… pic.twitter.com/rLTIo3PVWo
— ANI (@ANI) October 8, 2024
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ବୋଧନ କରି କହିଛନ୍ତି, ଆଜି ମା’ କାତ୍ୟାୟନୀଙ୍କ ଆରାଧନାର ଦିନ । ମା’ ହାତରେ କମଳ(ପଦ୍ମ)ଫୁଲ ଧାରଣ କରିଛନ୍ତି । ଆଜି ଭଳି ଦିନରେ ହରିୟାଣାରେ ପଦ୍ମ ଫୁଟିଛି । ଗୀତାର ଧରତ୍ରୀରେ ସତ୍ୟ, ବିକାଶ ଓ ସୁଶାସନର ବିଜୟ ହୋଇଛି । ମୋଦି ଆହୁରି କହିଛନ୍ତି, ଜମ୍ମୁ-କାଶ୍ମୀରରେ ୧୦ ବର୍ଷର ଅପେକ୍ଷା ପରେ ଶାନ୍ତିପୂର୍ବକ ନିର୍ବାଚନ ହୋଇଛି । ଫଳାଫଳ ଆସିଛି । ସେଠାରେ କଂଗ୍ରେସ ଓ ଏନସିକୁ ବହୁମତ ମିଳିଛି । ସେମାନଙ୍କୁ ବିଜୟର ଶୁଭକାମନା ଜଣାଉଛି ।
ବିଜେପି ବଡ ଦଳ ଭାବେ ଉଭା ହୋଇଛି:
I am proud of the BJP’s performance in Jammu and Kashmir. I thank all those who have voted for our Party and placed their trust in us. I assure the people that we will keep working for the welfare of Jammu and Kashmir. I also appreciate the industrious efforts of our Karyakartas.…
— Narendra Modi (@narendramodi) October 8, 2024
ମୋଦି କହିଛନ୍ତି, ଜମ୍ମୁ-କାଶ୍ମୀରରେ ହୁଏତ ଜନତା କଂଗ୍ରେସ-ଏନସିକୁ ବହୁମତ ଦେଇଛନ୍ତି । କିନ୍ତୁ ଭୋଟ ସେୟାରିଂ ହିସାବରେ ବିଜେପି ସେଠାରେ ସବୁଠୁ ବଡ ଦଳ ଭାବେ ଉଭା ହୋଇଛି । ଜନତା ବିଜେପିକୁ ଏକ ନମ୍ବର ପାର୍ଟି କରିଛନ୍ତି । ଏଥିପାଇଁ ହରିୟାଣା ଓ ଜମ୍ମୁ-କାଶ୍ମୀର ଜନତାଙ୍କୁ ଅନେକ ଅନେକ ଧନ୍ୟବାଦ ।
କାର୍ଯ୍ୟକର୍ତ୍ତାଙ୍କୁ ଧନ୍ୟବାଦ ଦେଲେ ମୋଦି:
#WATCH | Addressing party workers at BJP headquarters in Delhi, Prime Minister Narendra Modi says " this mandate has strengthened the resolve to make india the skill capital of the world. this mandate will give new courage to make india more secure and to take even the toughest… pic.twitter.com/7JPV1uWd3S
— ANI (@ANI) October 8, 2024
ମୋଦି ଆହୁରି କହିଛନ୍ତି, ବିଜେପି କାର୍ଯ୍ୟକର୍ତ୍ତାଙ୍କୁ ତପ ଓ ତପସ୍ୟାକୁ ପ୍ରଣାମ ଜଣାଉଛି । ହରିୟାଣାରେ ଜିତାପଟ, କାର୍ଯ୍ୟକର୍ତ୍ତାଙ୍କ ପ୍ରୟାସ ଓ ହରିୟାଣା ବିଜେପି ଟିମ ଓ ବିନମ୍ର ମୁଖ୍ୟମନ୍ତ୍ରୀ ଓ ଜେପି ନଡ୍ଡାଙ୍କ ନେତୃତ୍ବ ଯୋଗୁଁ ମିଳିପାରିଛି ।
କମାଲ କରିଦେଲେ ହରିୟାଣାବାସୀ:
इस महाविजय के लिए अथक परिश्रम और पूरे समर्पण भाव से काम करने वाले अपने सभी कार्यकर्ता साथियों को भी मेरी बहुत-बहुत बधाई! आपने ना केवल राज्य की जनता-जनार्दन की भरपूर सेवा की है, बल्कि विकास के हमारे एजेंडे को भी उन तक पहुंचाया है। इसी का नतीजा है कि भाजपा को हरियाणा में यह…
— Narendra Modi (@narendramodi) October 8, 2024
ପ୍ରଧାନମନ୍ତ୍ରୀ ଆହୁରି କହିଛନ୍ତି, ‘ହରିୟାଣାବାସୀ କମାଲ କରିଦେଲେ । ସବୁ ଜାଗାରେ ପଦ୍ମ ଫୁଟାଇଦେଲେ । ସବୁ ବର୍ଗ ସବୁ ଜାତିର ଲୋକେ ଭୋଟ ଦେଇଛନ୍ତି । ହରିୟାଣାରେ ମିଛ ଉପରେ ବିକାଶ ଭାରି ପଡିଗଲା । ହରିୟାଣାରେ ବର୍ତ୍ତମାନ ସୁଦ୍ଧା ୧୩ଟି ନିର୍ବାଚନ ହୋଇଛି । ଯେଉଁଥିରେ ୧୦ ନିର୍ବାଚନରେ ପ୍ରତି ୫ ବର୍ଷରେ ସରକାର ବଦଳିଛି । ପ୍ରଥମ ଥର ଏପରି ହୋଇଛି କି ଦୁଇ ଥର କ୍ଷମତା ପାଇଥିବା ସରକାରକୁ ପୁଣି ଥରେ ସୁଯୋଗ ଦେଇଛନ୍ତି । ଏହି ଜନାଦେଶ ଦୂର ଦୂର ପର୍ଯ୍ୟନ୍ତ ଜାଣିବେ ଲୋକେ ।’
ଗୁଜୁରାଟ-ମଧ୍ୟପ୍ରଦେଶରେ ବି ବିଜେପିକୁ ସୁଯୋଗ:
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆହୁରି କହିଛନ୍ତି, ‘ଗୁଜୁରାଟ ଓ ମଧ୍ୟ ପ୍ରଦେଶରେ ୧୦ ବର୍ଷ ଧରି ବିଜେପିକୁ ସୁଯୋଗ ଦେଇଛନ୍ତି । ଉତ୍ତରପ୍ରଦେଶରେ ଆଇନ ଶୃଙ୍ଖଳାକୁ ନେଇ ପୁଣି ଥରେ ସୁଯୋଗ ଦେଇଛନ୍ତି ଜନତା । ଆଜି କଂଗ୍ରେସରେ ଅବସ୍ଥା କିପରି, କଂଗ୍ରେସକୁ କଣ ପୁଣି ଥରେ ସୁଯୋଗ ଦେଲେ କି ? କଂଗ୍ରେସ ଦଳିତ ଓ ପଛୁଆ ସମ୍ପ୍ରଦାୟର ସଂରକ୍ଷଣକୁ ବନ୍ଦ କରିବାକୁ ଚାହୁଁଛି ।’
