ନୂଆଦିଲ୍ଲୀ: ବିଦେଶୀ ନିବେଶ ଆକୃଷ୍ଠ ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଆହ୍ବାନ । ନିରନ୍ତର ସୁଧାର ଓ ପଦକ୍ଷେପ ଦ୍ବାରା ଭାରତ କାରବାର ପାଇଁ ଚମତ୍କାର ସ୍ଥାନ ତିଆରି କରିଛି । ଏ ନେଇ ବୈଶ୍ବିକ ନିବେଶକଙ୍କୁ ଦୃଢୋକ୍ତି ଦେଇ ସୀତାରମଣ କହିଛନ୍ତି କି ନିକଟରେ କରାଯାଇଥିବା ଏଫଡିଆଇ ସୁଧାର, ଘରୋଇକରଣ ନୀତି ଓ ପ୍ରଦର୍ଶନ ଆଧାରିତ ପ୍ରୋତ୍ସାହନ (ପିଏଲଆଇ) ଯୋଜନାର ଲାଭ ଉଠାନ୍ତୁ ।
ଆମେରିକା-ଭାରତ ଷ୍ଟ୍ରାଟେଜିକ୍ ପାର୍ଟନରସିପ୍ ଫୋରମ (USISPF) ପକ୍ଷରୁ ଆୟୋଜିତ ବୈଶ୍ବିକ ନିବେଶକ ଗୋଲ ଟେବୁଲ ସମ୍ମିଳନୀରେ ଅର୍ଥମନ୍ତ୍ରୀ ନିଜ ମତ ଉପସ୍ଥାପନ କରିଛନ୍ତି କି, ରାଜକୋଶ ସ୍ଥିତି ନିୟନ୍ତ୍ରଣରେ ରହିଛି । ଆଉ ଏଥିରେ ଆହୁରୀ ସୁଧାର ହେବା ଆଶା ବି ରହିଛି । ଏଥିସହ ଦେଶର ଅର୍ଥବ୍ୟବସ୍ଥାର ଆଧାର ମଜବୁତ ରହିଛି ।
ପ୍ରକାଶ ଯେ, ଆର୍ଥିକ ବର୍ଷ 2020-21 ପାଇଁ ଆର୍ଥିକ ନିଅଣ୍ଟ ସଂଶୋଧିତ ବଜେଟ ଅନୁମାନରେ ଅର୍ଥମନ୍ତ୍ରାଳୟର 9.5 ପ୍ରତିଶତ ଠାରୁ କମ । ମୋଟ ଘରୋଇ ଉତ୍ପାଦ ( ଜିଡିପି)ର 9.3 ପ୍ରତିଶତ ରହିଛି ।
