ନୂଆଦିଲ୍ଲୀ: ଉପସ୍ଥାପନ ହୋଇଛି ନୂଆ ଦଶକର ପ୍ରଥମ ପୂର୍ଣ୍ଣାଙ୍ଗ ବଜେଟ । ଏଥିରେ ଅର୍ଥମନ୍ତ୍ରୀ ଦେଶର ବଡ ସମସ୍ୟା ନିଯୁକ୍ତି ସୃଷ୍ଟି ପାଇଁ ବହୁତ ପ୍ରୟାସ କରିଥିବା ଦେଖାଦେଇଛି । ହେଲେ ସବୁଠୁ ଅଧିକ ରୋଜଗାର ଦେଉଥିବା ସେକ୍ଟର ଉତ୍ପାଦନ ଅଧିନରେ ଆସୁଥିବା ଷ୍ଟିଲ ସେକ୍ଟରକୁ ବଜେଟରେ ମାତ୍ର 100 କୋଟି ଆବଣ୍ଟନ କରାଯାଇଛି । ଯାହାକି ଗତ ବର୍ଷ ଅପେକ୍ଷା ପ୍ରାୟ 49 ପ୍ରତିଶତ କମ ।
ଗତ ବର୍ଷ ବଜେଟରେ ଷ୍ଟିଲ ସେକ୍ଟରକୁ 197.08 କୋଟି ଟଙ୍କା ମିଳିଥିଲା । ଆଉ ବର୍ତ୍ତମାନର ମାନ୍ଦାବସ୍ଥା ଓ କର୍ମଚାରୀ ଛଟେଇକୁ ଦେଖି ଏହି ସେକ୍ଟର ପାଇଁ ଅଧିକ ଆଶା ରହିଥିଲା । କିନ୍ତୁ ଆଶା ଠାରୁ ବହୁତ କମ ମିଳିଲା ଫଳ ।
ଏଥରର ଷ୍ଟିଲ ସେକ୍ଟର ପାଇଁ ବଜେଟରେ 38.58 କୋଟି ଟଙ୍କା ସଚିବାଳୟ ଆର୍ଥିକ ସେବା, 44.24 କୋଟି ମେଡିକାଲ ଓ ପବ୍ଲିକ ହେଲଥ ଏବଂ 17,18 କୋଟି ଟଙ୍କା ଇଣ୍ଡଷ୍ଟ୍ରୀଜ ପାଇଁ ରହିଛି ।
ବଡ କଥା ହେଉଛି ଓଡିଶାର ପ୍ରମୁଖ ଉଦ୍ୟୋଗ କହିଲେ ଷ୍ଟିଲ ସେକ୍ଟରକୁ ବୁଝାଏ । ହେଲେ ଏହି ଉଦ୍ୟୋଗକୁ ଏତେ କମ ଆବଣ୍ଟନ ରାଜ୍ୟର ରାଜସ୍ବ ଉପରେ ପ୍ରଭାବ ପକାଇପାରେ । ଏଥିସହ ଏହି ସେକ୍ଟର ସହ ଜଡିତ କର୍ମଚାରୀଙ୍କୁ ମଧ୍ୟ ଏତେଟା ଆଶ୍ବସ୍ତି ନମିଳିବା ସମ୍ଭାବନା ରହିଛି ।
(ପିଟିଆଇ)
