ନୂଆଦିଲ୍ଲୀ: କୋର୍ଟ ଦ୍ୱାର ଦୌଡି ଦୌଡି ନୟାନ୍ତ କୋଟିପତି ଅନିଲ ଅମ୍ବାନୀ । ବିନା ଏସିରେ ଲଗାତାର ଅଢେଇ ଘଣ୍ଟା ବସିରହିଲେ କୋର୍ଟ ରୁମର ଶେଷ ଧାଡିରେ । ସାଧାରଣ ଜନତାଙ୍କ ଭଳି ଅପେକ୍ଷା କରିଲା ପରେ ଶେଷରେ ପଡିଲା ପାଳି । ଆରମ୍ଭ ହେଲା କେସ । କାଠଗଡାରେ ଠିଆ ହୋଇ ଦେଲେ ବୟାନ ।
ବୁଧବାର ଏପରି କିଛି ଦୟନୀୟ ଥିଲା ଅନୀଲ ଅମ୍ବାନୀଙ୍କ ଡେଲି ରୁଟିର୍ନର କାର୍ଯ୍ୟାବଳୀ । ବହୁ ପ୍ରଚେଷ୍ଟା ପରେ ବି ସୁଧୁରୁନି ସ୍ଥିତି । ଆଶାଶୂନ୍ୟ ହୋଇ କମ୍ପାନୀଙ୍କୁ ଦେବାଳିଆ ଘୋଷିତ କରିବାକୁ କୋର୍ଟରେ ଆବେଦନ କରିଛନ୍ତି ଅନୀଲ ।
ଅମ୍ବାନୀଙ୍କ ପାଖରେ ଏରିକ୍ସନ କମ୍ପାନୀର 1600 କୋଟି ଟଙ୍କା ବାକି ରହିଥିଲା । କିନ୍ତୁ ଉଭୟଙ୍କ ମଧ୍ୟରେ ଏକ ଚୁକ୍ତି କରି 550 କୋଟି ଟଙ୍କା କମ୍ପାନୀଙ୍କୁ ଫେରସ୍ତ କରାଇବାକୁ ସୁପ୍ରିମକୋର୍ଟ ଅମ୍ବାନୀଙ୍କୁ ନିର୍ଦ୍ଦେଶ ଦେଇଥିଲେ । ହେଲେ ଏବେ ସୁଦ୍ଧା ଏହି ଟଙ୍କାକୁ ପରିଶୋଧ କରିବାକୁ ଅନୀଲ ଅକ୍ଷମ ହୋଇପଡିଛନ୍ତି । କମ୍ପାନୀକୁ ଲୋନ ଦେବାକୁ ମଧ୍ୟ କେହି ମଙ୍ଗୁନାହାନ୍ତି । ଏଥିସହ 18 ମାସ ବିତିଯାଇଥିଲେ ସୁଦ୍ଧା କମ୍ପାନୀ ତାର ସମ୍ପତ୍ତି ବିକ୍ରି କରିବାକୁ ଅସଫଳ ହୋଇଛି ।
ଏପରିକି ବଡ ଭାଇ ମୁକେଶ ଅମ୍ବାନୀ ମଧ୍ୟ ଏପରି ସ୍ଥିତିରେ ଅନୀଲଙ୍କ ହାତ ଛାଡିଦେଇଛନ୍ତି । ଫଳରେ ଅନୀଲଙ୍କ କେସ ଏବେ କୋର୍ଟରେ ବିଚାରଧୀନ ରହିଛି । ତେବେ ଏହି ମାମଲାରେ ଶୁଣାଣୀ ଏପର୍ଯ୍ୟନ୍ତ ହୋଇନାହିଁ ।
