ନୂଆଦିଲ୍ଲୀ: ଧୀମା ଅର୍ଥନୀତି ପ୍ରଭାବରେ ଅଭିବୃଦ୍ଧି କମିବ । 2019-20 ଆର୍ଥିକ ବର୍ଷର ମୋଟ ଘରୋଇ ଉତ୍ପାଦ ଅନୁମାନକୁ 5.1 ପ୍ରତିଶତକୁ ହ୍ରାସ କରିଛି ଏସିଆନ ଡେଭଲପମେଣ୍ଟ ବ୍ୟାଙ୍କ(ଏଡିବି) । ପୂର୍ବରୁ ଏହି ଆକଳନ 6.5 ପ୍ରତିଶତ ଥିଲା ।
ଏଡିବି ଭାରତର ଜିଡିପି ଆକଳନକୁ 6.5 ପ୍ରତିଶତ କରିବା ପରେ ବି ଏହାକୁ 7.2କୁ ବୃଦ୍ଧି ନେଇ ଆଶା ରଖିଥିଲା । ହେଲେ ବିଭିନ୍ନ ଅର୍ଥନୈତିକ ସମସ୍ୟା ଯୋଗୁଁ ଅଭିବୃଦ୍ଧି ଲଗାତାର ହ୍ରାସ ପାଉଛି ।
ଏହାକୁ ପଢନ୍ତୁ.. ଦେଶର ଅଭିବୃଦ୍ଧି 5 ପ୍ରତିଶତରୁ ଖସିବ: ଆଇଏଚଏସ ମାର୍କିଟ
ଖରାପ ଫସଲ, ବେହାଲ ଗ୍ରାମୀଣ ସ୍ଥିତି ଓ ନିଯୁକ୍ତି ହ୍ରାସ , ଆୟ କମ ଯୋଗୁଁ ଚାହିଦା କମୁଛି । ଏଥିଯୋଗୁଁ ଅଭିବୃଦ୍ଧି ଦର ଅନୁମାନ ହ୍ରାସ ହୋଇଛି ବୋଲି ଏଡିବି ପକ୍ଷରୁ କୁହାଯାଇଛି ।
ତେବେ ସରକାରଙ୍କ ପଦକ୍ଷେପ ଓ ଅନୁକୂଳ ନୀତି ଯୋଗୁଁ ନିବେଶ ବଢିବା ପରେ ଆସନ୍ତା ଆର୍ଥିକ ବର୍ଷର ଅଭିବୃଦ୍ଧି 6.5 ପ୍ରତିଶତ ବଢିବା ନେଇ ଅନୁମାନ ରହିଛି ।
