ନୂଆଦିଲ୍ଲୀ: ୟୁଟ୍ୟୁବରେ 54 ପ୍ରତିଶତ ଭାରତୀୟ ଅନଲାଇନ ଭିଡିଓକୁ ହିନ୍ଦୀରେ ଦେଖିବା ପସନ୍ଦ କରନ୍ତି । ଯେତେବେଳେ କି ଇଂରେଜୀରେ 16 ପ୍ରତିଶତ, ତେଲୁଗୁରେ 7 ପ୍ରତିଶତ ଓ କନ୍ନଡରେ 6 , ତାମିଲନାଡୁରେ 5 ଓ ବଙ୍ଗଳାରେ 3 ଭିଡିଓ ଦେଖନ୍ତି । ମଙ୍ଗଳବାର ୟୁଟ୍ୟୁବ ନିଜ ରିପୋର୍ଟରେ ଏ ନେଇ ସୂଚନା ଦେଇଛି ।
ଏହି ରିସର୍ଚ୍ଚ ରିପୋର୍ଟରେ କୁହାଯାଇଛି କି ଭାରତୀୟ ୟୁଜର୍ସ ହାରାହାରି ପ୍ରତିଦିନ 67 ମିନିଟ ପର୍ଯ୍ୟନ୍ତ ଅଲାଇନ ଭିଡିଓ ଦେଖନ୍ତି । ଏଥିରୁ 70 ପ୍ରତିଶତରୁ ଅଧିକ ଦର୍ଶକଙ୍କ ବୟସ 15ରୁ 34 ବର୍ଷ ମଧ୍ୟରେ ରହିଥାଏ । ଆଉ 37 ପ୍ରତିଶୟ ୟୁଜର୍ସ ଗ୍ରାମାଞ୍ଚଳର ।
ରିପୋର୍ଟରେ କୁହାଯାଇଛି କି ବର୍ଷ ଶେଷ ସୁଦ୍ଧା ମୋଟ ଅନଲାଇନ ଭିଡିଓ ୟୁଜର୍ସଙ୍କ ସଂଖ୍ୟା 500 ମିଲିୟନ ପର୍ଯ୍ୟନ୍ତ ପହଞ୍ଚିବା ଆଶା ରହିଛି ।
ୟୁଟ୍ୟୁବ ଅନୁସାରେ ମନୋରଞ୍ଜନ ସହ ଏହି ପ୍ଲାର୍ଟଫର୍ମ ଏକ ପ୍ରିୟ ଧାରା ଭାବେ ଉଭା ହୋଇଛି । ଯେଉଁଥିରେ ଭିଡିଓ ଦେଖୁଥିବା ଦର୍ଶକଙ୍କ ସଂଖ୍ୟା 43 ପ୍ରତିଶତ ବୃଦ୍ଧି ପାଇଛି । ଭାରତରେ 79 ପ୍ରତିଶତ ଭିଡିଓ ଘରେ ଦେଖା ଯାଇଥାଏ । ଆଉ ବାକି 21 ପ୍ରତିଶତ ଭିଡିଓ ବାହାରେ , ଚଲାବୁଲା ସମୟରେ ଦେଖାଯାଉଛି । ଭାରତରେ 65000 ଦର୍ଶକଙ୍କ ପ୍ରତିକ୍ରିୟା ଆଧାରରେ ଏହି ଅଧ୍ୟୟନ କୋରୋନା ମହାମାରୀ ପୂର୍ବରୁ ଆରମ୍ଭ କରାଯାଇଥିଲା ।
