ଭୁବନେଶ୍ବର: ସାରା ରାଜ୍ୟରେ ନିର୍ବାଚନୀ ମାହୋଲ । ପ୍ରଥମ, ଦ୍ବିତୀୟ ପର୍ଯ୍ୟାୟ ମତଦାନ ସରିଥିବା ବେଳେ ତୃତୀୟ ପର୍ଯ୍ୟାୟ ଲଢେଇ ପାଇଁ ଉତ୍ସାହିତ ଭୋଟର। ତେବେ ପ୍ରଥମ କରି ଭୋଟ ଦେବାକୁ ଯାଉଥିବା ଭୋଟର ନିଜ ମତଦାନ ସାବ୍ୟସ୍ତ କରି ଦେଶ ଗଠନ କରିବେ । ଯାହାର ପ୍ରତିକ୍ରିୟା ନେବାକୁ ଇଟିଭି ଭାରତ ଟିମ ଭେଟିଥିଲା ରାଜଧାନୀର କିଛି ମହିଳା ଭୋଟରଙ୍କୁ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ବିଗତ 5 ବର୍ଷ ନୁହେଁ, ଆଗାମୀ 5 ବର୍ଷକୁ ଦୃଷ୍ଟିରେ ରଖି ପ୍ରାର୍ଥୀ ଚୟନ କରିବୁ । ଏଭଳି କିଛି ମତ ରଖିଛନ୍ତି ପ୍ରଥମ କରି ମତଦାନ ଦେବାକୁ ଯାଉଥିବା ଭୋଟର । ନାରୀ ସୁରକ୍ଷା ଏବଂ ବେରୋଜଗାରୀ ରହିବ ମହିଳା ଭୋଟରଙ୍କ ଫୋକସରେ । ଯିଏ ଦଳକୁ ପଛରେ ରଖି ଜନତାଙ୍କ ସ୍ବାର୍ଥ ପାଇଁ କାର୍ଯ୍ୟ କରିବ ସେଭଳି ପ୍ରାର୍ଥୀକୁ ନିର୍ବାଚନୀ ବୈତରଣୀ ପାର କରାଇବେ ବୋଲି ମହିଳା ଭୋଟ କହିଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
