ଟାଉଣ୍ଟନ: କାଉଣ୍ଟି ଗ୍ରାଉଣ୍ଡରେ ବୁଧବାର ଦିନ ଆଇସିସି ବିଶ୍ବକପ୍ର 17ତମ ମ୍ୟାଚ୍ ଅଷ୍ଟ୍ରେଲିଆ-ପାକିସ୍ତାନ ମଧ୍ୟରେ ଖେଳାଯାଇଥିଲା । ଏହି ମ୍ୟାଚରେ ବିଶ୍ବ ଚମ୍ପିଆନ 41 ରନ୍ରେ ପାକିସ୍ତାନକୁ ପରାଜୟ କରିଛି ।
ପାକିସ୍ତାନ ଟସ ଜିତି ବିପକ୍ଷ ଦଳକୁ ବ୍ୟାଟିଂର ଆମନ୍ତ୍ରଣ ଦେଇଥିଲା । ଫଳରେ ପ୍ରଥମେ ବ୍ୟାଟିଂ କରି ପାକକୁ 308ରନର ବିଜୟ ଲକ୍ଷ୍ୟ ଦେଇଥିଲା । ଅଷ୍ଟ୍ରେଲିଆ ଓପନର ଡେଭିଡ ୱାର୍ନର ସର୍ବାଧିକ 107 ରନ ହାସଲ କରିଥିଲେ ।
ଜବାବରେ ପାକିସ୍ତାନ ଲଢୁଆ ବ୍ୟାଟିଂ କରିଥିଲେ ସୁଦ୍ଧା 266ରନ୍ରେ ଅଲଆଉଟ୍ ହୋଇ ଯାଇଥିଲା । ଏହି ପରାଜୟ ପରେ ପାକିସ୍ତାନ 3ପଏଣ୍ଟ ଫଳରେ ପଏଣ୍ଟ ଟେବୁଲ୍ରେ 8ମ ସ୍ଥାନରେ ରହିଛି ।
ସୂଚନାଥାଉକି ପାକିସ୍ତାନ ଏଯାଏଁ ଏହି ଟୁର୍ଣ୍ଣମେଣ୍ଟରେ 3ଟି ମ୍ୟାଚ୍ ଖେଳି ମାତ୍ର ଗୋଟିଏ ମ୍ୟାଚ୍ରେ ବିଜୟ ହାସଲ କରିଛି । କଙ୍ଗାରୁ ଦଳ ସହ ଖେଳିବା ପୂର୍ବରୁ ଶ୍ରୀଲଙ୍କା ମଧ୍ୟରେ ହେବାକୁ ଥିବା ମ୍ୟାଚ୍ ବର୍ଷା ଯୋଗୁଁ ବାତିଲ କରାଯାଇଥିଲା ।
