ହାଇଦ୍ରାବାଦ: କ୍ରିକେଟ ମହାକୁମ୍ଭରେ ଆଫଗାନ ବିପକ୍ଷରେ ମେନ ଇନ୍ ବ୍ଲ୍ୟୁର ବିଜୟ । ଫଳରେ ଏହି ଟୁର୍ଣ୍ଣାମେଣ୍ଟରେ ଭାରତର ବିଜୟ ଯାତ୍ରା ବିନା ବାଧାରେ ଆଗେଇ ଚାଲିଛି । ତେବେ ଏଥିମଧ୍ୟରେ ଟିମ୍ ଇଣ୍ଡିଆର ଅଧିନାୟକଙ୍କ ବ୍ୟାଟରୁ କ୍ରମାଗତ 3ଟି ମ୍ୟାଚରେ ଅର୍ଦ୍ଧଶତକ ପାଳି ତାଙ୍କ ନାଁରେ ଏକ ବିଶେଷ ରେକର୍ଡ ସୃଷ୍ଟି କରିଛି ।
ସୂଚନାଥାଉକି, ଏହିପରି ଭାରତର ପୂର୍ବ ଅଧିନାୟକ ଆଝାରୁଦ୍ଦିନ 1992 ମସିହା ବିଶ୍ବକପରେ କ୍ରମାଗତ ମ୍ୟାଚରେ ଅର୍ଦ୍ଧଶତକ ପାଳି ଖେଳିଥିଲେ । ତେଣୁ ଏହି ବିଶ୍ବକପରେ ଅଧିନାୟକ ବିରାଟ କୋହଲି କ୍ରମାଗତ ଭାବେ 3ଟି ମ୍ୟାଚରେ ଅର୍ଦ୍ଧଶତକ ପାଳି ଖେଳି ଆଝାରୁଦ୍ଦିନଙ୍କ ସମାନ ରେକର୍ଡ ନିଜ ନାଁରେ କରିଛନ୍ତି । ଫଳରେ ଏପରି ରେକର୍ଡ ସୃଷ୍ଟି କରିବାରେ ଭାରତର 2ୟ ଅଧିନାୟକ ହୋଇ ଯାଇଛନ୍ତି ।
ଚଳିତ ବିଶ୍ବକପରେ ଅଷ୍ଟ୍ରେଲିଆ ବିପକ୍ଷରେ କୋହଲି 82ରନ୍ ହାସଲ କରିଥିଲେ । ଏହାପରେ ପାକିସ୍ତାନ ବିପକ୍ଷରେ 77ରନ୍ ଓ ଆଫଗାନିସ୍ତାନ ବିପକ୍ଷରେ 67ରନ କରିଛନ୍ତି ଭାରତର ଅଧିନାୟକ ବିରାଟ କୋହଲି ।
