ଓ୍ବାଶିଂଟନ୍: ଲୋକସଭା ଫଳାଫଳ ବାହାରିବା ପରେ ଦେଶରେ ମୋଦିଙ୍କ ଯାଦୁ ଦେଖିବାକୁ ମିଳିଛି । ନରେନ୍ଦ୍ର ମୋଦି ପୂର୍ଣ୍ଣ ଗରିଷ୍ଠତା ହାସଲ କରି ପୁଣି 2ୟଥର ପାଇଁ ସରକାର ଗଢିବାକୁ ଯାଉଛନ୍ତି । ଏନେଇ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମୋଦିଙ୍କୁ ଟ୍ବିଟ କରି ଅଭିନନ୍ଦନ ଜଣାଇଛନ୍ତି ।
ଟ୍ରମ୍ପ ଟ୍ବିଟ କରି କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ତାଙ୍କର ବିଜେପି ପାର୍ଟିର ମହାବିଜୟ ପାଇଁ ଅଭିନନ୍ଦନ । ମୋଦି ପୁଣି ଶାସନକୁ ଆସିଲା ପରେ ଭାରତ-ଆମେରିକା ମଧ୍ୟରେ ବର୍ତ୍ତମାନ ଆହୁରି ମହାନ୍ କାର୍ଯ୍ୟ ହେବ । ଏଥିସହ 2ଦେଶ ମଧ୍ୟରେ ଚାଲିଥିବା ଜରୁରୀ କାର୍ଯ୍ୟ ସବୁ ଜାରି ରଖିବା ପାଇଁ ତତ୍ପର ରହିଛି ।
ତେବେ ମୋଦିଙ୍କ ବିଶାଳ ବିଜୟ ପାଇଁ ଇସ୍ରାଏଲ, ଚୀନ, ପାକିସ୍ତାନ, ଆଫଗାନିସ୍ତାନ, ନେପାଳ, ଋଷ ସମେତ ଅନେକ ଦେଶ ଶୁଭେଚ୍ଛା ଜ୍ଞାପନ କରିଛନ୍ତି ।
