ଖୋର୍ଦ୍ଧା: ସାରାଦେଶରେ ଏବେ ଦ୍ରୁତ ଗତିରେ ବଢିବାରେ ଲାଗିଛି ମହାମାରୀ କୋରୋନା । ଏପଟେ ବାହାରେ ଫସିରହିଥିବା ପ୍ରବାସୀ ନିଜ ରାଜ୍ୟକୁ ଫେରିବା ପରେ ଏବେ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଯାହା ସରକାରଙ୍କ ମୁଣ୍ଡବ୍ୟାଥାର କାରଣ ପାଲିଟିଛି । ଏନେଇ କ୍ଵାରେଣ୍ଟାଇନ ଅବଧିକୁ 7 ରୁ 14 ଦିନ ବୃଦ୍ଧିକଲେ ଖୋର୍ଦ୍ଧା ଜିଲ୍ଲାପାଳ ।
ଏଣିକି ସାତ ଦିନ ପରିବର୍ତ୍ତେ 14 ଦିନ କ୍ବାରେଣ୍ଟାଇନ ସେଣ୍ଟରେ ରହିବେ ପ୍ରବାସୀ । ଚିଠି ମାଧ୍ୟମରେ ସମସ୍ତ ବିଡିଓଙ୍କୁ ନିର୍ଦ୍ଦେଶ ଦେଇଛନ୍ତି ଖୋର୍ଦ୍ଧା ଜିଲ୍ଲାପାଳ । ପ୍ରବାସୀମାନେ କ୍ବାରେଣ୍ଟାଇନ ସେଣ୍ଟରେ 14 ଦିନ ପରିବର୍ତ୍ତେ 7 ଦିନ ରହିବା ପରେ କୋରନା ଆକ୍ରାନ୍ତଙ୍କ ସଂଖ୍ୟା ବଢିବାକୁ ଲାଗିଲା । ଫଳରେ ପ୍ରଶାସନ ପକ୍ଷରୁ ଏପରି ପଦକ୍ଷେପ ନିଆଯାଇଥିବା ଜଣା ପଡ଼ିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
