ଭୁବନେଶ୍ବର: ରାଜ୍ୟରେ ବଢୁଥିବା ଗ୍ରୀଷ୍ମ ପ୍ରଭାବକୁ ଦୃଷ୍ଟିରେ ରଖି ଆଜି ସଚିବାଳୟରେ ଏସଆରସିଙ୍କ ଅଧ୍ୟକ୍ଷତାରେଏକ ଗୁରୁତ୍ବପୂର୍ଣ ବୈଠକ ଅନୁଷ୍ଠିତ ହୋଇଯାଇଥିଲା । ଏହି ବୈଠକରେ ମୁଖ୍ୟତଃ ବଢୁଥିବା ହିଟ୍ଓ୍ଵେଭକୁ ନେଇ ଆଲୋଚନା ହୋଇଥିଲା । କିଭଳି ଭାବେ ସବୁ ସମୟରେ ହିଟ୍ ଓ୍ଵେଭର ମାତ୍ରା, ଆଗୁଆ ଲୋକଙ୍କୁ ସୂଚନା ଦିଆଯାଇପାରିବ ଓ ଲୋକଙ୍କୁ ସତର୍କ କରାଯାଇପାରିବ, ସେ ସମ୍ପର୍କରେ ମାନସ ମନ୍ଥନ କରାଯାଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ହିଟ୍ଓ୍ଵେଭ ସମ୍ପର୍କରେ ପ୍ରତିଦିନ ବିଭିନ୍ନ ଗଣମାଧ୍ୟମ ଜରିଆରେ କିଭଳି ଲୋକଙ୍କ ପାଖରେ ସମସ୍ତ ଜଳବାୟୁ ସମ୍ପର୍କରେ ଖବର ପହଞ୍ଚି ପାରିବ, ସେ ନେଇ ସୂଚନା ଦେଇଛନ୍ତି ସ୍ପେଶାଲ ରିଲିଫ କମିଶନର ବିଷ୍ଣୁପଦ ସେଠୀ । ଏହାସହ ଏକ ମୋବାଇଲ ଆପ୍ ମଧ୍ୟ ବିକଶତି ହୋଇଛି। ଏହି ଆପ୍ ଦ୍ଵାରା ହିଟ୍ଓ୍ଵେଭର ସମସ୍ତ ସୂଚନା ଦିଆଯିବ ।
ରାଜ୍ୟର ସମସ୍ତ ହସ୍ପିଟାଲରେ ଅଂଶୁଘାତ ପାଇଁ ସ୍ଵତନ୍ତ୍ର ବ୍ୟବସ୍ଥା କରାଯିବ ଏବଂ ବିଜୁଳି କାଟ କିଭଳି ରୋକା ଯାଇପାରିବ ସେ ନେଇ ମଧ୍ୟ ବୈଠକରେ ଆଲୋଚନା ହୋଇଥିଲା ।
ସୂଚନାଯୋଗ୍ୟଯେ, ୨୦୧୫ ଠାରୁ ହିଟ୍ଓ୍ଵେଭ ଯୋଗୁଁ ହେଉଥିବା କ୍ଷୟକ୍ଷତି ଓ ଜୀବନହାନିକୁ ପ୍ରାକୃତିକ ବିପତ୍ତି ରୂପେ ରାଜ୍ୟ ସରକାର ଗ୍ରହଣ କରିଛନ୍ତି । ଯଦି ହିଟ୍ଓ୍ଵେଭରେ କୌଣସି ଲୋକଙ୍କ ମୃତ୍ୟୁ ହୁଏ, ତାଙ୍କର ପରିବାରକୁ ପଚାଶ ହଜାର ଟଙ୍କା ସହାୟତା ଦିଆଯାଉଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
