ସୁନ୍ଦରଗଡ: ରାଜଗାଙ୍ଗପୁର ପୋଲିସକୁ ଆଉ ଏକ ସଫଳତା । ଦୁଇଟି ଭିନ୍ନ ଭିନ୍ନ ଚୋରି ମାମଲାରେ ତିନିଜଣଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ । ଚୋରି ଜିନିଷ ମଧ୍ୟ ଜବତ ହୋଇଛି ।
ସୂଚନା ଅନୁଯାୟୀ, ସୁନ୍ଦରଗଡ ରାଜଗାଙ୍ଗପୁର ଥାନା ଅଧିକାରୀ ଗତ 20 ତାରିଖରେ ରାଜଗାଙ୍ଗପୁର ଥାନାରେ ଯୋଗ ଦେଇଥିଲେ । ଦୁଇଟି ଭିନ୍ନ ଭିନ୍ନ ଚୋରି ମାମଲାରେ ସଂପୃକ୍ତ ଥିବା ତିନି ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିବା ସହ ସେମାନେ ଚୋରି କରିଥିବା ଗୋଟିଏ ଫିଲିପ୍ସ ଏଲସିଡି ଟିଭି, ଦୁଇଟି ସାଉଣ୍ଡ ସ୍ପିକର, ଗୋଟିଏ ଇନଟେକ୍ସ ଉଫର ଗୋଟିଏ ରେଡମି୍ ମୋବାଇଲ ଫୋନ ଜବତ ହୋଇଛି ।
ଦୁଇଜଣ ଅଭିଯୁକ୍ତଙ୍କୁ କେସ ନମ୍ବର- 128- 25/04/2021 ରେ ଦଫା 457/380/IPC ରେ କୋର୍ଟ ଚାଲାଣ କରିଥିବା ବେଳେ ଅନ୍ୟ ଜଣେ ଅଭିଯୁକ୍ତକୁ କେସ ନମ୍ବର 140 15/05/2021 u/s- 394 IPC ରେ କୋର୍ଟ ଚାଲାଣ କରିଛି । ରାଜଗାଙ୍ଗପୁର ଥାନା ଅଧିକାରୀଙ୍କ ଏହି କାର୍ଯ୍ୟାନୁଷ୍ଠାନକୁ ସ୍ଥାନୀୟ ଲୋକେ ପ୍ରଶଂସା କରିଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
