ପାରଳାଖେମୁଣ୍ଡି: ତାତିରୁ ରକ୍ଷା ପାଇବା ପାଇଁ ଚାରିଆଡେ ତ୍ରାହିତ୍ରାହି ଡାକୁଛନ୍ତି ସଭିଏଁ । ପାହାଡି ଜାଗାରେ ପ୍ରବଳ ଖରାରେ ଆଉଟପାଉଟ ହେଉଛନ୍ତି ଅଞ୍ଚଳବାସୀ । ପାରଳାଖେମୁଣ୍ଡିରେ ପାରଦ ଏବେ 42 ଉପରେ । ଦିନ 11ରୁ ଅପରାହ୍ଣ 4ଟା ପର୍ଯ୍ୟନ୍ତ ଘରୁ ଗୋଡ କାଢିବା ମୁସକିଲ ହୋଇପଡିଛି । ଏପଟେ ବାରମ୍ବାର ବିଦ୍ୟୁତ କାଟ ସାଙ୍ଗକୁ ଅସହ୍ୟ ଗୁଳୁଗୁଳିରେ ଛଟପଟ ହେଉଛନ୍ତି ସହରବାସୀ ।
ଭିଡିଓ ସୌଜନ୍ୟ: ପ୍ରତିନିଧି, ଗଜପତି
ଖାଲି ପାରଳାଖେମୁଣ୍ଡି କାହିଁକି, ଗଜପତିବାସୀ ଏବେ ତାତିରେ ସିଝୁଛନ୍ତି । ଉତ୍ତାପ ବୃଦ୍ଧି ଯୋଗୁଁ ଲସି, ଘୋଳଦହି, ଲେମ୍ବୁପାଣି ଇତ୍ୟାଦି ଦୋକାନରେ ଭିଡ ଜମୁଛି । ପ୍ରଶାସନ ପକ୍ଷରୁ ମଧ୍ୟ ଅଂଶୁଘାତରୁ ରକ୍ଷା ପାଇବା ପାଇଁ ବିଭିନ୍ନ ପଦକ୍ଷେପ ନିଆଯାଇଛି ।
ତାତି ଆହୁରି କିଛି ଦିନ ଲାଗି ରହିବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ଏପଟେ ଚଳିତ ବର୍ଷ କାଳବୈଶାଖୀର ନାଁ ଗନ୍ଧ ବି ନାହିଁ । ତେବେ ବର୍ଷାକୁ ଚାତକ ପରି ଅନାଇ ବସିଛନ୍ତି ଜିଲ୍ଲାବାସୀ ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
