ସୁବର୍ଣ୍ଣପୁର: ତରଭା ଥାନା ଅନ୍ତର୍ଗତ ବଲାଙ୍ଗୀର-ସୁବର୍ଣ୍ଣପୁର 56 ନମ୍ବର ଜାତୀୟ ରାଜପଥର ଖାରୀ ଢାବା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି । ମୃତକ ହେଲେ ଅର୍ଜୁନଡା ଗାଁର ନେହେରୁ ବାରିକ ।
ସୂଚନାଯୋଗ୍ୟ, ନେହେରୁ ନିଜ ସାଙ୍ଗମାନଙ୍କ ସହିତ ଖାରୀ ଢାବାକୁ ଖାଇବାକୁ ଯାଇଥିଲେ । ଢାବାରୁ ଖାଇ ଫେରୁଥିବା ବେଳେ ବଲାଙ୍ଗୀରରୁ ସୁବର୍ଣ୍ଣପୁରକୁ ଆସୁଥିବା ଏକ ଘରୋଇ ବସ ଗଣପତି ସାମନା ପଟୁ ନେହେରଙ୍କୁ ଧକ୍କା ଦେଇଥିଲା । ଘଟଣାସ୍ଥଳରେ ନେହେରୁ ଗୁରୁତର ଆହତ ହୋଇଥିଲେ । ନେହେରୁଙ୍କୁ ତୁରନ୍ତ ତରଭା ଡାକ୍ତରଖାନାକୁ ନିଆଯାଇଥିଲା । ହେଲେ ଦୁର୍ଘଟଣାରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗି ଥିବାରୁ ଅଧିକ ରକ୍ତସ୍ରାବ ହୋଇଥଲା । ଯେଉଁ କାରଣରୁ ତାଙ୍କର ମୃତ୍ୟୁ ହୋଇଥିବା ଡାକ୍ତର କହିଛନ୍ତି ।
ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାର ତଦନ୍ତ କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
