କଳାହାଣ୍ଡି: ଥୁଆମୂଳ ରାମପୁର ବ୍ଳକ ଗୁଣୁପୁର ଗ୍ରାମପଞ୍ଚାୟତ ସାଇସୁରନୀ ନିକଟରେ ସଡକ ଦୁର୍ଘଟଣା । ଗଛରେ ଧକ୍କା ହେବା ଫଳରେ ଜଣେ ମଟରସାଇକେଲ ଆରୋହୀଙ୍କ ମୃତ୍ୟୁ ହୋଇଛି । ମୃତକ ତଳ ଆମପଦର ପଞ୍ଚାୟତ ଖାକେସ ଗ୍ରାମର ମହେନ୍ଦ୍ର ନାଏକ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ସୂଚନାନୁାସାରେ, ମହେନ୍ଦ୍ର ଭବାନୀପାଟଣା ଠାରୁ ତାଙ୍କ ଗ୍ରାମ କୁପର ଫେରୁଥିବା ବେଳେ ସାଇସୁରନୀ ଛକ ନିକଟ ବୁଲାଣୀରେ ଥିବା ଏକ ଗଛରେ ତାଙ୍କ ବାଇକ ପିଟି ହୋଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଦୁର୍ଘଟଣା ସମ୍ପର୍କରେ ସ୍ଥାନୀୟଲୋକେ ଗୁଣୁପୁର ଫାଣ୍ଡିରେ ସୂଚନା ଦେଇଥିଲେ ।
ଖବର ପାଇ ଥୁଆମୂଳ ରାମପୁର ପୋଲିସ ଓ ଗୁଣୁପୁର ଫାଣ୍ତି ଅଧିକାରୀ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଥିଲା । ମୃତଦେହ ବ୍ୟବଚ୍ଛେଦ ପରେ ତାଙ୍କ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଥିବା ଜଣାପଡିଛି ।
କଳାହାଣ୍ଡିରୁ ଅଜିତ୍ ସିଂହ, ଇଟିଭି ଭାରତ
