ଟାଂଟନ: କ୍ରିକେଟ୍ ମହାକୁମ୍ଭରେ ଶନିବାର 13ତମ ମ୍ୟାଚ୍ ଆଫଗାନିସ୍ତାନ ଓ ନ୍ୟୁଜିଲାଣ୍ଡ ମଧ୍ୟରେ ଆରମ୍ଭ ହୋଇଯାଇଛି । ନ୍ୟୁଜଲାଣ୍ଡ ଟିମ୍ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି । ବର୍ତ୍ତମାନ ବିପକ୍ଷ ଦଳ ଆଫଗାନିସ୍ତାନର ବ୍ୟାଟିଂ ଜାରି ରହିଛି । 15 ଓଭର ସୁଦ୍ଧା ଆଫଗାନିସ୍ତାନ 71 ରନ ସଂଗ୍ରହ କରିଥିବା ବେଳେ 4 ବ୍ୟାଟ୍ସମ୍ୟାନ୍ ଫାଭିଲିୟନ ଫେରି ସାରିଲେଣି । ନ୍ୟୁଜଲାଣ୍ଡ ବୋଲର୍ ଜେମ୍ସ ନିଶାମ 3ଟି ଓ୍ବିକେଟ୍ ହାସଲ କରିଥିଲାବେଳେ ଲୁକି ଫର୍ଗୁସନ୍ ଗୋଟିଏ ଓ୍ବିକେଟ୍ ଅକ୍ତିଆର କରିଛନ୍ତି ।
ସୂଚନାଥାଉକି, ଆଫଗାନ ଦଳର ବିସ୍ଫୋରକ ବ୍ୟାଟ୍ସମ୍ୟାନ ତଥା ୱିକେଟକିପର ମହମ୍ମଦ ଶାହାଜାଦଙ୍କ ଆଣ୍ଠୁରେ ଆଘାତ ଲାଗିବା ଫଳରେ ସେ ବିଶ୍ବକପରୁ ଓହରି ଯାଇଛନ୍ତି । ତାଙ୍କ ବଦଳରେ ୱିକେଟକିପର ଭାବେ ଇକରାମ ଅଲ୍ଲୀଖିଲ ଦଳରେ ସାମିଲ ହୋଇଛନ୍ତି । ନ୍ୟୁଜଲାଣ୍ଡ ଟିମ୍ରେ କୌଣସି ପରିବର୍ତ୍ତନ କରାଯାଇ ନାହିଁ ।
ଏପଟେ ଯୁବ ଆଫଗାନ୍ ଟିମ୍ ଏହି ମ୍ୟାଚରୁ ବିଜୟ ଅଭିଯାନ ଆରମ୍ଭ କରିବା ଲକ୍ଷ୍ୟରେ ଗ୍ରାଉଣ୍ଡକୁ ଓହ୍ଲାଇଛି । ଅନ୍ୟପଟେ ଟୁର୍ଣ୍ଣାମେଣ୍ଟରେ 2ଟି ମ୍ୟାଚ୍ ଜିତି ସାରିଥିବା ନ୍ୟୁଜଲାଣ୍ଡ ଟିମ୍ ତା'ର ବିଜୟଧାରା ଜାରି ରଖିବାକୁ ଚାହିଁବ ।
ନ୍ୟୁଜିଲାଣ୍ଡ ଏକାଦଶ: ମାର୍ଟିନ୍ ଗପ୍ଟିଲ୍, କଲିନ୍ ମୁନରୋ, କେନ୍ ୱିଲିୟମସନ୍ (ଅଧିନାୟକ), ରସ୍ ଟେଲର, ଟମ୍ ଲାଥାମ (ୱିକେଟକିପର), ଜେମ୍ସ ନିଶାମ, କଲିନ୍ ଡି’ଗ୍ରାଣ୍ଡହୋମ୍, ମିଚେଲ୍ ସାଣ୍ଟନର, ମ୍ୟାଟ୍ ହେନରୀ, ଲକି ଫର୍ଗୁସନ୍, ଟ୍ରେଣ୍ଟ ବୋଲ୍ଟ।
ଆଫଗାନିସ୍ତାନ ଏକାଦଶ: ଇକରାମ ଅଲ୍ଲୀଖିଲ(ୱିକେଟକିପର), ହଜ୍ରାତୁଲ୍ଲା ଜାଜାଇ, ରାହମତ ସାହା, ହସମୁତୁଲଲ୍ଲା ସାହିଦି, ମହମ୍ମଦ ନବୀ, ଗୁଲବାଦିନ ନୈବ(କ୍ୟାପଟେନ), ନଜିବୁଲ୍ଲା ଜର୍ଡନ, ରସିଦ ଖାନ, ନୁର ଅଲ୍ଲି ଜର୍ଡାନ, ଅଫତାବ ଆଲମ, ହିମିଦ ହସନ
ବ୍ୟୁରୋ ରିପୋର୍ଟ, ଇଟିଭି ଭାରତ
