ମାଲକାନଗିରି: କୋରୋନା ପାଇଁ ମାଲକାନଗିରିର ମଡେଲ ପୋଲିସ ଷ୍ଟେସନ ବନ୍ଦ ରହିଛି । ମାଲକାନଗିରିରେ ଦିନକୁ ଦିନ କୋରୋନା କାୟା ବିସ୍ତାର କରି ଚାଲିଥିବା ବେଳେ ବର୍ତ୍ତମାନ ଏହି ପୋଲିସ ଷ୍ଟେସନ ବନ୍ଦ ଥିବା ଦେଖିବାକୁ ମିଳିଛି।
ଆଜି(ସୋମବାର) ମାଲକାନଗିରିରେ 34 ଟି ନୂତନ କୋରୋନା ପୋଜିଟିଭ ମାମଲା ସାମ୍ନାକୁ ଆସିଛି । ସେଥି ମଧ୍ୟରୁ କିଛି କୋରୋନା ଯୋଦ୍ଧା ଥିବା ଜଣାପଡିଛି। ପୋଲିସ ଷ୍ଟେସନର ଜଣେ କାର୍ଯ୍ୟରତ ପୋଲିସ ଅଫିସର କୋରୋନା ପଜିଟିଭ ବାହାରିବା ପରେ ସମ୍ପୂର୍ଣ୍ଣ ପୋଲିସ ଷ୍ଟେସନକୁ କିଛି ଦିନ ପାଇଁ ବନ୍ଦ କରି ଦିଆଯାଇଛି।
ଜିଲ୍ଲା ପ୍ରଶାସନ ପକ୍ଷରୁ ପୋଲିସ ଷ୍ଟେସନକୁ ସାନିଟାଇଜ୍ କରାଯିବା ସହ ମାଲକାନଗିରି ପୁରୁଣା ଥାନା ପାଖରେ ଥିବା ଶକ୍ତି ପୋଲିସ କୋଠାରେ ହିଁ କାମ ଚାଲିଛି ମାଲକାନଗିରି ଏସପି ଟ୍ବିଟ୍ ଯୋଗେ ସୂଚନା ଦେଇଛନ୍ତି।
ମାଲାକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
