ନୟାଗଡ: ଶୀତଳ ଷଷ୍ଠୀକୁ ନେଇ ସାରା ରାଜ୍ୟ ଚଳଚଞ୍ଚଳ ହୋଇଉଠିଥିଲା । ଏହି ଅବସରରେ ଶୁକ୍ରବାର ନୟାଗଡ ଜିଲ୍ଲାର ପ୍ରମୁଖ ଶୈବ ପୀଠରେ ଧୂମଧାମରେ ଅନୁଷ୍ଠିତ ହୋଇଯାଇଛି ଶିବ-ପାର୍ବତୀ ବିବାହ ଉତ୍ସବ । ଶରଣକୁଳର ଲଡୁବାବା, ଦୁତିକେଶ୍ୱର, ଭୋଲେଶ୍ୱର ମହାଦେବ, ହଟକେଶ୍ୱର ମହାଦେବ ଆଦି ପୀଠ ଗୁଡିକରେ ମଧ୍ୟ ଧୂମଧାମରେ ବିବାହ ଅନୁଷ୍ଠିତ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ହୋମ, ଯଜ୍ଞ, ପାରମ୍ପରିକ ରୀତିନୀତି ସହିତ ଦେବଦମ୍ପତିଙ୍କ ବିବାହ କାର୍ଯ୍ୟ ସମ୍ପନ୍ନ ହୋଇଥିଲା । ଦେବଦେବ ମହାଦେବ ଏବଂ ଜଗତଜନନୀଙ୍କ ବିବାହରେ ଶହ ଶହ ଭକ୍ତ ସାମିଲ ହୋଇଥିଲେ । ଆଉ ପରିଶେଷରେ ନାମ ସଂକୀର୍ତ୍ତନ ଏବଂ ପରେ ପ୍ରସାଦ ସେବନ କରି ନିଜ ନିଜ ଘର ବାହୁଡିଥିଲେ ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
