ଶ୍ରୀନଗର: ସୀମାରେ ଥମିନି ଗୁଳିବର୍ଷଣ । ଦୀର୍ଘ 3ଦିନ ଧରି ଉଭୟପଟୁ ଗୁଳିବିନିମୟ ଜାରି ରହିବା ସହ ଆତଙ୍କୀଙ୍କୁ ଭାରତ ଦେଉଛି ମୁହଁତୋଡ ଜବାବ । ବର୍ତ୍ତମାନ ପରିସ୍ଥିତିରେ ଜମ୍ମୁକାଶ୍ମୀର ଅନନ୍ତନାଗର ୱାଘୋମା ଜିଲ୍ଲାରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଜାରି ରହିଛି । ଏହି ଗୁଳିବିନିମୟ ସମୟରେ କ୍ଷୟକ୍ଷତି ବିଷୟରେ କୌଣସି ସୂଚନା ମିଳିନାହିଁ ।
ଖବର ଅନୁଯାୟୀ, ଗତକାଲି ପୁଲୱାମାର ଅରିହଲ ପରେ ଏବେ ଟ୍ରାଲ ଅଞ୍ଚଳରେ ଯବାନଙ୍କୁ ଟାର୍ଗେଟ କରିଥିଲେ ଆତଙ୍କୀ । ଏହାସହ ସିଆରପିଏଫ 180 ବାଟାଲିୟନର ମୁଖ୍ୟ କାର୍ଯ୍ୟାଳୟରେ ଗ୍ରେନେଡ ମାଡ ହୋଇଥିଲା ।
ଘଟଣାରେ ରାଷ୍ଟ୍ରୀୟ ରାଇଫଲ୍ସର 8 ଜଣ ଯବାନ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୩ ଯବାନ ଗୁରୁତର ଅଛନ୍ତି । ସେହିପରି ପୂର୍ବରୁ ଜମ୍ମୁକାଶ୍ମୀରରେ ହୋଇଥିବା ଆକ୍ରମଣରେ ସେନାର 5 ଜଣ ଯବାନ ପ୍ରାଣ ହରାଇବା ସହ ଗତକାଲି ଜଣେ ମେଜର ଆଖି ବୁଝିଥିଲେ ।
