କୋରାପୁଟ: ସବୁଜିମାରେ ପରିପୂର୍ଣ୍ଣ ରାଜ୍ୟର କୋରାପୁଟରେ ଏବେ ଚାଲିଛି ଚୋରା ଗଞ୍ଜେଇ ଚାଷ । ଆଉ ଏହାର ପ୍ରାୟୋଜକ ସାଜିଛନ୍ତି ରାଜ୍ୟ ବାହାରର କିଛି ଅଣଓଡିଆ ବ୍ୟବସାୟୀ । ସେପଟେ ପୋଲିସ ଗଞ୍ଜେଇ କାରବାରକୁ ପ୍ରତିହତ କରିବା ପାଇଁ ମଙ୍ଗଳବାର ଠାରୁ ଚଳାଇଥିଲା ସ୍ବତନ୍ତ୍ର ଅଭିଯାନ ।
ତେବେ ବୁଧବାର କୋରାପୁଟ ପୋଲିସକୁ ମିଳିଛି ବଡ ସଫଳତା । ପୋଲିସ ବିଭିନ୍ନ ସ୍ଥାନରେ ଚଢାଉ କରି ଜୟପୁରର ବୈପାରିଗୁଡା ଓ ବୋରିଗୁମ୍ମା ଅଞ୍ଚଳରୁ ଦେଢ କୁଇଣ୍ଟାଲରୁ ଊର୍ଦ୍ଧ୍ବ ଗଞ୍ଜେଇ ଜବତ କରିବା ସମେତ 7ଜଣଙ୍କୁ ଗିରଫ କରିଛି । ଗିରଫ ସମସ୍ତ ବ୍ୟକ୍ତି ଉତ୍ତରପ୍ରଦେଶର ହୋଇଥିବା ବେଳେ ସେମାନଙ୍କର ଠାରୁ ତିନିଟି କାରଓ ମୋବାଇଲ ଫୋନ ସହ କିଛି ଅସ୍ତ୍ରଶସ୍ତ୍ର ଜବତ ହୋଇଛି ।
ସେହିପରି ଜୟପୁର ଜୟନଗର ଅଞ୍ଚଳର ଏକ ATM ଲୁଟ ଉଦ୍ୟମ ବେଳେ ପୋଲିସ ଖବରପାଇ ଘଟଣାସ୍ଥଳରେ ପହଞ୍ଚିଥିଲା । ଆଉ ଲୁଟେରା ପୋଲିସ ଉପରକୁ ଗୁଳିମାଡ଼ କରିଥିଲା । ଏହି ଘଟଣାରେ ପୋଲିସ 7ଏମଏମ ଗୁଳିସହ 4ଜଣ ଙ୍କୁ ଗିରଫ କରିଛି । ମୁଖ୍ୟ ଅଭିଯୁକ୍ତ ଫେରାର ହୋଇଥିବା ପୋଲିସ କହିଛି ।
ଅନ୍ୟପଟେ ଆଉ ଏକ ଘଟଣା କ୍ରମେ ବୁଧବାର ଜୟପୁର ବୈପାରିଗୁଡା ଅଞ୍ଚଳରେ ପୋଲିସ ଲୋକଙ୍କୁ ମାଡ଼ ମାରିବା ଘଟଣା ସୋସିଆଲ ମିଡିଆରେ ଭାଇରାଲ ହେବା ପରେ ଏନେଇ ମୁହଁ ଖୋଲିଛନ୍ତି ଜୟପୁର ଏସଡିପିଓ ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
