ନୂଆଦିଲ୍ଲୀ: ପୂର୍ବତନ ଇଂଲଣ୍ଡ ସ୍ପିନର ମଣ୍ଟି ପନିସର ବିଶ୍ବ ଟେଷ୍ଟ ଚମ୍ପିଆନସିପକୁ ନେଇ ରଖିଛନ୍ତି ବଡ ବୟାନ । ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ମ୍ୟାଚ ଜୁନରେ ଇଂଲଣ୍ଡର ଏଜେସ ବାୱଲ ସାଉଥାମ୍ପଷ୍ଟନରେ ଖେଳାଯିବ । ଏହାକୁ ନେଇ ଉତ୍ସାହ ବଢିବାରେ ଲାଗିଛି । ତେବେ ପିଚ ପରିସ୍ଥିତି ଦ୍ରୁତ ବୋଲରଙ୍କୁ ଅଧିକ ସୁହାଇବ । ଫଳରେ ଭାରତ ଅପେକ୍ଷା ନ୍ୟୁଜିଲାଣ୍ଡ ଖେଳାଳିଙ୍କୁ ଅଧିକ ଫାଇଦା ମିଳିବ । ଏହା କହିଛନ୍ତି ପନିସର ।
ୟୁକେରେ ବର୍ତ୍ତମାନ ପାଗ ବର୍ଷା ଓ ଶୀତ ପାଗ ରହିଛି । ଜୁନ 18ରୁ ଆରମ୍ଭ ହେବାକୁ ଥିବା WTC ଚମ୍ପିଆନସିପ ଫାଇନାଲ ପର୍ଯ୍ୟନ୍ତ ଯଦି ଏହିପରି ପାଗ ଲାଗିରୁହେ ତେବେ ଏହା ନ୍ୟୁଜିଲାଣ୍ଡକୁ ଅଧିକ ସୁହାଇବ କହିଛନ୍ତି ପନିସର ।
