ଜଗତସିଂହପୁର: ଜିଲ୍ଲାରେ ଭାରୀଯାନକୁ ନେଇ ସମସ୍ୟା ବଢ଼ିବାରେ ଲାଗିଛି। ପ୍ରତ୍ୟେକ ଦିନ କିଛି ନା କିଛି ଦୁର୍ଘଟଣା ଘଟି ଲୋକେ ଆହତ ହେବା ସହ ଅନେକ ନୀରିହ ଜୀବନ ଚାଲିଯାଉଛି। ତେବେ ଭାରୀଯାନ ସମସ୍ୟାକୁ ନେଇ ଖୋଦ ଜିଲ୍ଲାପାଳ ନିର୍ଦ୍ଦେଶ ନାମା ଜାରି କରିଥିଲେ ମଧ୍ୟ ଏହା 'ଯଥା ପୂର୍ବଂ ତଥା ପରଂ' ସ୍ଥିତିରେ ରହିଛି ।
ଖବର ଅନୁଯାୟୀ, ସକାଳ 8ଟାରୁ ସନ୍ଧ୍ୟା 8 ଟା ପଯ୍ୟନ୍ତ ସହର ଭିତରକୁ ଭାରିଯାନ ପ୍ରବେଶ ଉପରେ କଟକଣା ଜାରି ହୋଇଛି । ହେଲେ ଏହା କେବଳ କାଗଜପତ୍ରରେ ସୀମିତ ରହିଛି । ଯାହାଫଳ ସୂରୁପ ସାଧାରଣ ଲୋକେ ନାହିଁ ନଥିବା ଅସୁବିଧା ଭୋଗ କରୁଛନ୍ତି ।
ବର୍ତ୍ତମାନ ଜିଲ୍ଲାରେ ଥିବା 3ଟି ହାଇସ୍କୁଲ 2ଟି କଲେଜ ସହ 10 ରୁ ଅଧିକ ବେସରକାରୀ ସ୍କୁଲ ,ମେଡିକାଲ, ଜିଲ୍ଲାପାଳଙ୍କ କାର୍ଯ୍ୟାଳୟ, ଓ ଅସ୍ଥାଇ ବସଷ୍ଟାଣ୍ଡ ରହିଛି। ଯାହା ଫଳରେ ପ୍ରବଳ ଜାମ ହେଉଥିବା ବେଳେ ତା ଭିତକୁ ଭାରିଯାନ ପ୍ରବେଶ ଦୃଘଟଣା ବୃଦ୍ଧିର କାରଣ ପାଲଟିଛି।
ଏ ସମ୍ପର୍କରେ ପୋଲିସ ,ଜିଲ୍ଲା ପରିବହନ ବିଭାଗକୁ ଦୋଷ ଦେଉଥିବା ବେଳେ ପରିବହନ ବିଭାଗ ପୋଲିସ ଉପରେ ଦୋଷ ଲଦି ଖସିଯାଉଛି। ଜିଲ୍ଲା ପରିବହନ ଅଧିକାରୀ ବିଜୟ କୁମାର ନାୟକଙ୍କୁ ପଚାରିବାରୁ ସେ କ୍ୟାମେରା ଆଗରେ କିଛି କହିବାକୁ ମନାକରି ଦେଇଛନ୍ତି। ଏହସହ ଘଟଣା ବିଷୟରେ ପୋଲିସର କିଛି ପ୍ରତିକ୍ରିୟା ମିଳିପାରି ନାହିଁ।
ଜଗତସିଂହପରୁରରୁ ସୁଶାନ୍ତ ପାତ୍ର, ଇଟିଭି ଭାରତ
