ଭୁବନେଶ୍ୱର: ମାଲକାନଗିରି ଜିଲ୍ଲା ମୁଖ୍ୟ ଡାକ୍ତରଖାନାର ଏସଏନସିୟୁରେ ନର୍ସଙ୍କ ଟିକଟକ୍ ଭିଡିଓ ଘଟଣା । ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି ସ୍ବାସ୍ଥ୍ୟମନ୍ତ୍ରୀ ନବକିଶୋର ଦାସ । ଟିକଟକ୍ ଭିଡିଓ ସଂକ୍ରାନ୍ତ ରିପୋର୍ଟ ମଗାଯାଇଛି । ଏନେଇ ବିଭାଗ ପକ୍ଷରୁ ତଦନ୍ତ କରାଯାଉଛି ।
ଘଟଣାରେ ଆଇନ ଉଲ୍ଲଙ୍ଘନ ହୋଇଛି କି ନା ସେ ନେଇ ତଦନ୍ତ ଛାଲିଛି । ଏହା ଏକ ଗୁରୁତ୍ବପୂର୍ଣ୍ଣ ଘଟଣା । ଭବିଷ୍ୟତରେ ଯେପରି ଏମିତି ଘଟଣାର ପୁନରାବୃତ୍ତି ହୁଏ ସେ ନେଇ ଆବଶ୍ୟକ ପଦକ୍ଷେପ ନିଆଯିବ । ରିପୋର୍ଟ ଆସିବା ପରେ ବିଧବଦ୍ଧ ଆଇନ ଅନୁଯାୟୀ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ସ୍ୱାସ୍ଥ୍ୟମନ୍ତ୍ରୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୂଚନାନୁସାରେ, ମାଲକାନଗିରି ମେଡିକାଲ ଏସଏନସିୟୁ ଭିତରେ 3 ଜଣ ନର୍ସ ଖୁଲମଖୁଲା ଟିକଟକ ଭିଡିଓ କରି ମସ୍ତି କରୁଥିବା ଘଟଣା ସାରା ରାଜ୍ୟ ହଇଚଇ ସୃଷ୍ଟି ହୋଇଛି । କାର୍ଯ୍ୟରତ ଅବସ୍ଥାରେ କେମିତି ପିଲାକୁ ଧରି ଭିଡିଓ ପ୍ରସ୍ତୁତ କରାଗଲା ସେନେଇ ନର୍ସଙ୍କ ଉପରେ ଆଙ୍ଗୁଳି ଉଠିଛି।
ଭୁବନେଶ୍ୱରରୁ ତପନ ଦାସ, ଇଟିଭି ଭାରତ
