ବାଲେଶ୍ବର: ରାଜ୍ୟରେ ଜାରି ରହିଛି ଗ୍ରୀଷ୍ମ ପ୍ରବାହ । ପ୍ରବଳ ଗ୍ରୀଷ୍ମ ପ୍ରଭାବରେ ଅସ୍ତବ୍ୟସ୍ତ ଜନ ଜୀବନ । ଖରାରୁ ମୁକ୍ତି ପାଇବା ପାଇଁ ଲୋକେ ପାଣି, ବିଜୁଳି ଉପରେ ନିର୍ଭର କରୁଥିବା ବେଳେ ବିଜୁଳି କିନ୍ତୁ ବାଲେଶ୍ବର ସହର ବାସୀଙ୍କୁ ଅତିଷ୍ଠ କରିଦେଲାଣି । ଘନ ଘନ ବିଜୁଳି କାଟ ସାଙ୍ଗକୁ ଘଣ୍ଟା ଘଣ୍ଟା ଧରି ବିଦ୍ୟୁତ ନଆସିବା ଲୋକଙ୍କର ସମସ୍ୟାକୁ ଦ୍ବିଗୁଣିତ କରିଦେଇଛି ।
ଏଭଳି ସମୟରେ କିନ୍ତୁ ବିଭାଗୀୟ କର୍ତ୍ତୃପକ୍ଷ ନିଜ ମୁଣ୍ଡରୁ ଦୋଷ ଖସାଇ ଲୋକଙ୍କ ମୁଣ୍ଡରେ ଲଦିବାକୁ ବସିଛନ୍ତି । ଘଣ୍ଟାଘଣ୍ଟା ବିଦ୍ୟୁତ କାଟ ବିନା ସୂଚନାରେ କରୁଥିବାରୁ ଲୋକଙ୍କ ଦୈନନ୍ଦିନ ଜୀବନ ପ୍ରଭାବିତ ହେଉଥିବା ଅଭିଯୋଗ ହେଉଛି । ବାଲେଶ୍ବର ଜିଲ୍ଲାରେ ପ୍ରାୟ 60 ହଜାର ବିଜୁଳି ଉପଭୋକ୍ତା ଥିବା ବେଳେ ସମସ୍ତଙ୍କୁ ଆବଶ୍ୟକ ପରିମାଣର ବିଜୁଳି ଯୋଗାଇଦେବା ପାଇଁ ଜିଲ୍ଲାରେ 12 ଶହରୁ ଅଧିକ ଟ୍ରାନ୍ସଫର୍ମରଓ ଗୋଟିଏ ଗ୍ରୀଡ଼ କାର୍ଯ୍ୟ କରୁଛି ।
ପ୍ରତିଦିନ ସହରରେ 2ମିଲିଅନ ୟୁନିଟ ବିଦ୍ୟୁତ ଖର୍ଚ୍ଚ ହେଉଥିବା ବେଳେ 10 ମେଗା ୱାଟରୁ ଅଧିକ ବିଦ୍ୟୁତ ଆବଶ୍ୟକ କରୁଥିବା ବିଭାଗୀୟ ଅଧିକାରୀ କହିଛନ୍ତି କରିଛନ୍ତି । ବିଦ୍ୟୁତ ବିଭାଗର ଅଧିରକାରୀଙ୍କ କହିବା କଥା ହେଲା ଲୋକେ ଆବଶ୍ୟକତଠାରୁ ଅଧିକ ବ୍ୟବହାର କରୁଛନ୍ତି ଓ ସେହି ଅନୁସାରେ ବିଜୁଳି ନଥିବାରୁ ଅଧିକ ସମୟ କାଟିବାକୁ ପଡୁଛି ବୋଲି କହିଛନ୍ତି ।
ଅନ୍ୟପଟେ ବର୍ତ୍ତମାନ ଗ୍ରୀଷ୍ମ ଋତୁ ଚାଲିଥିବାରୁ ଲୋକେ ଏବେ ବିଜୁଳି ଉପେର ଅଧିକ ନିର୍ଭରଶୀଳ । କିନ୍ତୁ ବିଜୁଳି ବାରମ୍ବାର ଧୋକା ଦେଉଥିବାରୁ ଏହାର ପ୍ରଭାବ ଲୋକଙ୍କ ଦୈନନ୍ଦିନ ଜୀବନ ଉପରେ ସିଧାସଳଖ ପଡୁଛି । ଲୋକଙ୍କ ଅଫିସ ହେଉକି, ଛାତ୍ରଛାତ୍ରୀଙ୍କ ପାଠ ପଢା କି ଅନ୍ୟ କୌଣସି ଜରୁରୀ କାମ ସବୁଠି ଏହାର ପ୍ରଭାବ ପଡୁଛି । ସହର ବାସୀ ଏନେଇ ବାରମ୍ବାର ଅଭିଯୋଗ କରୁଥିଲେ ମଧ୍ୟ କତ୍ତୃପକ୍ଷ ଚୁପ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
