ଭୁବନେଶ୍ବର: ଫନି ମାଡରେ ଉପକୂଳ ଓଡିଶା ସମେତ ପର୍ଯ୍ୟଟନ କ୍ଷେତ୍ର ପୁରୀ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି । ପ୍ରଳୟଙ୍କାରୀ ବାତ୍ୟା ଫନି ବିଭୀଷିକାରୁ ମଧ୍ୟ ବାଦ ପଡିନି ବିଶ୍ବନୟନ୍ତାଙ୍କ ଶ୍ରୀମନ୍ଦିର ଏବଂ କୋଣାର୍କ ସୂର୍ଯ୍ୟ ମନ୍ଦିର । ପର୍ଯ୍ୟଟନ କେନ୍ଦ୍ରସ୍ଥଳୀ ଭାବେ ପରିଚିତ ଏହି ଦୁଇ ବିଶ୍ବ ବିଖ୍ୟାତ ମନ୍ଦିର ମଧ୍ୟ ଫନି ମାଡରେ ନିଜ ପୂର୍ବ ସୌନ୍ଦର୍ଯ୍ୟ ହରାଇଛି ।
ତେବେ ଗୁରୁବାର ଏସମ୍ପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସଂସ୍କୃତି ମନ୍ତ୍ରୀ ମହେଶ ଶର୍ମାଙ୍କ ଦୃଷ୍ଟି ଆକର୍ଷଣ କରିଛନ୍ତି । ମୁଖ୍ୟମନ୍ତ୍ରୀ ନିଜ ପତ୍ରରେ ଦର୍ଶାଇଛନ୍ତି ଯେ, ଫନି ଦ୍ବାରା ପୁରୀ ମନ୍ଦିର ସହ କୋଣାର୍କ ମନ୍ଦିରର ବ୍ୟାପକ କ୍ଷୟକ୍ଷତି ଘଟିଛି ।
ଆଗକୁ ବିଶ୍ବନୟନ୍ତାଙ୍କ ରଥଯାତ୍ରା ଥିବାରୁ ପୁରୀରେ ବ୍ୟାପକ ପର୍ଯ୍ୟଟକଙ୍କ ଆଗମନ ହେବ ତେଣୁ ତୁରନ୍ତ ପୁରୀକୁ ସ୍ବତନ୍ତ୍ର ଟିମ ପଠାଇ ଅନୁଧ୍ୟାନ କରିବା ସହ ଜୁଲାଇ ପୁର୍ବରୁ ମରାମତି କାର୍ଯ୍ୟ ଶେଷ କରିବାକୁ ନବୀନ ଅନୁରୋଧ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
