ଦୁବାଇ: ଏସିଆନ ବକ୍ସିଂ ଚମ୍ପିଆନସିପରେ ବିଜୟରୁ ଅଭିଯାନ ଆରମ୍ଭ କରିଛି ଭାରତ । ମହମ୍ମଦ ହୁସାମୁଦ୍ଦିନ ଓ ଶିବା ଥାପା ସେମାନଙ୍କ ଓଜନ ବର୍ଗର ଇଭେଣ୍ଟରେ ବିଜୟ ସହ କ୍ବାର୍ଟର-ଫାଇନାଲରେ ସ୍ଥାନ ପକ୍କା କରିଛନ୍ତି ।
ପୁରୁଷ 56 କିଲୋଗ୍ରାମ ବର୍ଗରେ କାଜାଖସ୍ତାନର ମଖମୁଦ ସାବିରଖଆନଙ୍କୁ 5-0ରେ ହରାଇଛନ୍ତି । ସେହିପରି ଥାପା କାଜାଖସ୍ତାନର ଡିମିଟ୍ରି ପୁଚିନଙ୍କୁ ହରାଇଛନ୍ତି । ମଙ୍ଗଳବାର ଥାପା କୁଏତର ନାଦର ଓଡାହଙ୍କୁ କ୍ବାର୍ଟର-ଫାଇନାଲରେ ଭେଟିବେ । ଅନ୍ୟପଟେ ହୁସାମୁଦ୍ଦିନ କ୍ବାର୍ଟରରେ ବିଶ୍ବ ଚମ୍ପିଆନ ଉଜବେକିସ୍ତାନର ମିରାଜିଜବେକ ମିର୍ଜାବାଲିଓଭଙ୍କୁ ଭେଟିବେ ।
ଅନ୍ୟପଟେ ସୁନିତ ସାଙ୍ଗୱାନ 81 କିଲୋଗ୍ରାମ ବର୍ଗରେ ଅନ୍ୟତମ ଭାରତୀୟ ବକ୍ସିଂ ଯୋଦ୍ଧା ଭାବେ ଲଢେଇ କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
