ଜଗତସିଂହପୁର: ଖେଳନା ବନ୍ଧୁକ ଦେଖାଇ ମଝି ରାସ୍ତାରୁ ବାଇକ ଲୁଟିଲେ ଦୁର୍ବୃତ୍ତ । ଏଭଳି ଏକ ଘଟଣା ଦେଖିବାକୁ ମିଳିଛି ଜଗତସିଂହପୁରରେ । ପୋଲିସ୍ ସୂଚନା ଅନୁଯାୟୀ, ଜଗତସିଂହପୁର ଥାନା ବୀରବରପାଟଣା କେନାଲବନ୍ଧରୁ ଅମୀୟ ପୃଷ୍ଟି ନାମକ ଜଣେ ବ୍ୟକ୍ତିଙ୍କ ଠାରୁ ୩ଜଣ ଦୁର୍ବୃତ୍ତ ନକଲି ବନ୍ଧୁକ ଦେଖାଇ ବାଇକ୍ ଲୁଟ୍ କରି ଫେରାର ହୋଇଯାଇଥିଲେ। ପରେ ଉକ୍ତ ବ୍ୟକ୍ତି ତାଙ୍କ ସମ୍ପର୍କୀୟଙ୍କୁ ଏ ସମ୍ବନ୍ଧରେ ଖବର ଦେବା ପରେ ଏହି ତିନି ଲୁଟେରାଙ୍କୁ ବିରିଡି ଥାନା ଅନ୍ତର୍ଗତ ସଂଙ୍ଖାରୀ ସାହି ନିକଟରୁ ଲୋକେ କାବୁ କରିଥିଲେ।
ଘଟଣା ସ୍ଥଳରେ ପୋଲିସ ପହଁଛି ୩ ଅଭିଯୁକ୍ତଙ୍କୁ ଗିରଫ କରିଛି। ଅଭିଯୁକ୍ତ ମାନେ ହେଲେ ନିଆଳି ଥାନା ଅନ୍ତର୍ଗତ ସଢାସଂ ଗ୍ରାମର ସୁଧିର ମଲ୍ଲୀକ(୨୬), ତିହୁଡି ଗଳାଦାରୀର ଦେବୀ ପ୍ରସାଦ ଲେଙ୍କା(୨୧) ଓ ସଢାସଂର ସୂର୍ଯ୍ୟକାନ୍ତ ପ୍ରଧାନ । ଏମାନଙ୍କ ନିକଟରୁ ଚୋରା ବାଇକ, ୨ ଟି ମୋବାଇଲ୍ ଫୋନ୍ ଓ ନକଲି ବନ୍ଧୁକ ଜବତ ହୋଇଛି।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
